„Árangur okkar þarf ekki að vera á kostnað Icelandair“ Auður Ösp Guðmundsdóttir skrifar 11. mars 2023 17:18 Fram kemur að Play hafi náð stórum hluta af markaðnum á sínu fyrsta starfsári, einkum þegar litið er til áfangastaða við Miðjarðarhafið en Birgir viðurkennir að árangurinn hafi ekki verið eins góður þegar kemur að ferðamannastraumnum til Íslands. Vísir/Vilhelm „Ég lít á þetta eins og verslun. Ég er ekki að fara að bjóða upp á gosdrykkjamerki sem enginn vill kaupa. Ég er ekki af hrifinn af hugmyndinni að þú „þurfir að gefa þessu eitt til tvö ár,“ eða eitthvað þvíumlíkt. Þetta er eins og að hafa tilfinningu fyrir einhverju. Annaðhvort bregst markaðurinn við eða ekki,“ segir Birgir Jónsson forstjóri flugfélagsins Play. Í viðtali við flugvefinn FlightGlobal ræðir Birgir meðal annars um framtíð Play og horfur á flugmarkaði. Fram kemur að frá því að Play var stofnað árið 2021 hafi félagið fært út kvíarnar og bjóði nú flug til nær 40 áfangastaða víða um heim. Þá hefur flugfélagið tryggt sér afnot af 10 Airbus vélum. Birgir telur að félagið þurfi á stöðugleikatímabili að halda. „Ég held að á þessu ári munum við ná þeim mælikvarða sem við þurfum til að nýta fastan kostnað. Þetta er í raun árið þar sem Play fæðist sem fyrirtæki sem er komið af byrjunarstiginu, komið af ræktunarstiginu." Þá segir hann áætlunarferðir til Bandaríkjanna hafa keyrt félagið áfram og gert Play kleift að byggja brú þvert yfir Atlandshafið á milli Norður-Ameríku og Evrópu. Telur hann að Play hefði skilað viðunandi fjárhagsafkomu á síðasta ári ef ekki hefði verið fyrir hækkun á eldsneytisverði. Búist sé við að félagið byrji að skila jákvæðri rekstrarafkomu á þessu ári. „Við þurftum nokkuð brattan vöxt. Frá núlli til 100 er brattur ferill,“ segir hann. „En við erum ekki ástfangin af vextinum. Við þurftum vöxt til að komast á mælikvarða og nýta alla kosti leiðakerfisins. Við þurftum ákveðinn fjölda áfangastaða í Bandaríkjunum til að komast inn á áfangastaði í Evrópu og þurftum ákveðinn fjölda flugvéla til þess.“ Ísland var uppselt Birgir segir það enn vera til skoðunar hvort flugfélagið muni tryggja sér afnot af einni eða tveimur Airbus vélum til viðbótar vorið 2024. Fram kemur að Play hafi náð stórum hluta af markaðnum á sínu fyrsta starfsári, einkum þegar litið er til áfangastaða við Miðjarðarhafið en Birgir viðurkennir að árangurinn hafi ekki verið eins góður þegar kemur að ferðamannastraumnum til Íslands. Telur hann að ferðaþjónustugeirinn á Íslandi hafi ekki gripið nógu hratt í taumana í kjölfar heimsfaraldursins. „Ísland var eiginlega uppselt á síðasta ári og við fengum ekki eins marga „til“ farþega og ef við hefðum viljað.“ Að sögn Birgis er Play komið á þann stað að „herða“ leiðakerfið með því að taka lítil skref, og einblína á tíðni í stað þess að fjölga áfangastöðum. Þá sé félagið reiðubúið að taka ákvarðanir varðandi hagkvæmni leiðakerfisins, ákvarðanir sem sumir kalli miskunnarlausar en Birgir telur vera raunsæjar. Þá segir hann flugfélagið vera „gífurlega gagnadrifið“ og það leiði af sér alls kyns furðulegar tengingar á milli borga sem áður hefðu kannski ekki verið teknar til greina. Félagið hóf nýlega að bjóða upp á áætlunarflug til Toronto og að sögn Birgis er kanadíska borgin á góðri leið með að verða einn af vinsælustu áfangastöðunum. „Ég held að þetta snúist um að horfa á gögnin. Ekki hugsa eins og fararstjóri, ekki keppast stöðugt við að bjóða upp á framandi og spennandi áfangastaði- lággjaldaflugfélög eru flutningafyrirtæki. Ef fólk vill fara á viðkomandi stað, og þú ert með gögnin, þá er mér sama hvað borgin heitir.“ Þá segir Birgir að þrátt fyrir að Play hafi öðlast stóra markaðshlutdeild á stuttum tíma þá sé pláss fyrir bæði Play og Icelandair á íslenska flugmarkaðnum. „Árangur okkar þarf ekki að vera á kostnað Icelandair.“ Play Fréttir af flugi Icelandair Ferðamennska á Íslandi Mest lesið Borgar 760 þúsund fyrir flísalögn sem átti að kosta þrjár milljónir Neytendur Áhöfnum tveggja skipa Þorbjarnar sagt upp Viðskipti innlent Fyrsta íslenska grænkera ostagerðin í hættu Viðskipti innlent Að sækja um starf eftir uppsögn Atvinnulíf Pepsíunnandi til margra ára kveður drykkinn eftir breytinguna Neytendur Hefur óeðlilega þörf fyrir að strauja allt frá skyrtum í barnasamfellur Atvinnulíf ChatGPT og endurbætt Siri væntanlegar nýjungar Apple Viðskipti erlent Að standa upp til að gera eitthvað og muna síðan ekkert hvað það var Atvinnulíf „Rétturinn til viðgerðar“ væntanlegur til landsins Neytendur „Það sem þú greiðir niður, það kemur aldrei aftur“ Neytendur Fleiri fréttir Áhöfnum tveggja skipa Þorbjarnar sagt upp Sigurður Tómasson til liðs við Origo Hrefna og Unnur til Novum Easyjet flýgur frá Akureyri til Manchester í vetur 500 manns sóttu um störf hjá OCHE Reykjavík Fyrsta íslenska grænkera ostagerðin í hættu Skuldar þrotabúi föður síns fleiri milljarða Fleiri farþegar og betri nýting Gengu frá 135 milljarða samningi um endurfjármögnun skulda Fjárfesta fyrir þrjá milljarða í Reykjanesbæ og Hafnarfirði Ein og hálf milljón farþega á fyrstu fimm mánuðum ársins Ingibjörg Ösp yfir nýrri rekstrarráðgjöf Expectus Þrír nýir stjórnendur hjá Festi „Að fara í slag við þessa risa er nánast ómögulegt“ Fjórir sérfræðingar til liðs við Helix Vilhjálmur Hilmarsson nýr hagfræðingur Visku Heimtu hlutinn úr helju og verða stærstu einkafjárfestarnir Varar við þenslu á byggingamarkaði Ráðinn tækni- og þróunarstjóri Defend Iceland Bein útsending: Ásgeir og Arnór sitja fyrir svörum Þrálát verðbólga mun skapa áskoranir fyrir fjármálakerfið Ráðinn nýr framkvæmdastjóri hjá Landsneti Herða eftirlit með kínverskum verslunarrisa í leiftursókn Félag í eigu Quang Lé gjaldþrota Öfugþróun að minni verðmæti komi af hverjum ferðamanni „Viðskiptakonan“ sem komst á Bessastaði í annarri tilraun Samruninn hefði haft umtalsverð skaðleg áhrif Svarta sviðsmyndin blasir við ferðaþjónustunni í ár Icelandair hefur flug til Halifax á nýjan leik Tæplega sextíu sagt upp hjá Landvinnslu Þorbjarnar í Grindavík Sjá meira
Í viðtali við flugvefinn FlightGlobal ræðir Birgir meðal annars um framtíð Play og horfur á flugmarkaði. Fram kemur að frá því að Play var stofnað árið 2021 hafi félagið fært út kvíarnar og bjóði nú flug til nær 40 áfangastaða víða um heim. Þá hefur flugfélagið tryggt sér afnot af 10 Airbus vélum. Birgir telur að félagið þurfi á stöðugleikatímabili að halda. „Ég held að á þessu ári munum við ná þeim mælikvarða sem við þurfum til að nýta fastan kostnað. Þetta er í raun árið þar sem Play fæðist sem fyrirtæki sem er komið af byrjunarstiginu, komið af ræktunarstiginu." Þá segir hann áætlunarferðir til Bandaríkjanna hafa keyrt félagið áfram og gert Play kleift að byggja brú þvert yfir Atlandshafið á milli Norður-Ameríku og Evrópu. Telur hann að Play hefði skilað viðunandi fjárhagsafkomu á síðasta ári ef ekki hefði verið fyrir hækkun á eldsneytisverði. Búist sé við að félagið byrji að skila jákvæðri rekstrarafkomu á þessu ári. „Við þurftum nokkuð brattan vöxt. Frá núlli til 100 er brattur ferill,“ segir hann. „En við erum ekki ástfangin af vextinum. Við þurftum vöxt til að komast á mælikvarða og nýta alla kosti leiðakerfisins. Við þurftum ákveðinn fjölda áfangastaða í Bandaríkjunum til að komast inn á áfangastaði í Evrópu og þurftum ákveðinn fjölda flugvéla til þess.“ Ísland var uppselt Birgir segir það enn vera til skoðunar hvort flugfélagið muni tryggja sér afnot af einni eða tveimur Airbus vélum til viðbótar vorið 2024. Fram kemur að Play hafi náð stórum hluta af markaðnum á sínu fyrsta starfsári, einkum þegar litið er til áfangastaða við Miðjarðarhafið en Birgir viðurkennir að árangurinn hafi ekki verið eins góður þegar kemur að ferðamannastraumnum til Íslands. Telur hann að ferðaþjónustugeirinn á Íslandi hafi ekki gripið nógu hratt í taumana í kjölfar heimsfaraldursins. „Ísland var eiginlega uppselt á síðasta ári og við fengum ekki eins marga „til“ farþega og ef við hefðum viljað.“ Að sögn Birgis er Play komið á þann stað að „herða“ leiðakerfið með því að taka lítil skref, og einblína á tíðni í stað þess að fjölga áfangastöðum. Þá sé félagið reiðubúið að taka ákvarðanir varðandi hagkvæmni leiðakerfisins, ákvarðanir sem sumir kalli miskunnarlausar en Birgir telur vera raunsæjar. Þá segir hann flugfélagið vera „gífurlega gagnadrifið“ og það leiði af sér alls kyns furðulegar tengingar á milli borga sem áður hefðu kannski ekki verið teknar til greina. Félagið hóf nýlega að bjóða upp á áætlunarflug til Toronto og að sögn Birgis er kanadíska borgin á góðri leið með að verða einn af vinsælustu áfangastöðunum. „Ég held að þetta snúist um að horfa á gögnin. Ekki hugsa eins og fararstjóri, ekki keppast stöðugt við að bjóða upp á framandi og spennandi áfangastaði- lággjaldaflugfélög eru flutningafyrirtæki. Ef fólk vill fara á viðkomandi stað, og þú ert með gögnin, þá er mér sama hvað borgin heitir.“ Þá segir Birgir að þrátt fyrir að Play hafi öðlast stóra markaðshlutdeild á stuttum tíma þá sé pláss fyrir bæði Play og Icelandair á íslenska flugmarkaðnum. „Árangur okkar þarf ekki að vera á kostnað Icelandair.“
Play Fréttir af flugi Icelandair Ferðamennska á Íslandi Mest lesið Borgar 760 þúsund fyrir flísalögn sem átti að kosta þrjár milljónir Neytendur Áhöfnum tveggja skipa Þorbjarnar sagt upp Viðskipti innlent Fyrsta íslenska grænkera ostagerðin í hættu Viðskipti innlent Að sækja um starf eftir uppsögn Atvinnulíf Pepsíunnandi til margra ára kveður drykkinn eftir breytinguna Neytendur Hefur óeðlilega þörf fyrir að strauja allt frá skyrtum í barnasamfellur Atvinnulíf ChatGPT og endurbætt Siri væntanlegar nýjungar Apple Viðskipti erlent Að standa upp til að gera eitthvað og muna síðan ekkert hvað það var Atvinnulíf „Rétturinn til viðgerðar“ væntanlegur til landsins Neytendur „Það sem þú greiðir niður, það kemur aldrei aftur“ Neytendur Fleiri fréttir Áhöfnum tveggja skipa Þorbjarnar sagt upp Sigurður Tómasson til liðs við Origo Hrefna og Unnur til Novum Easyjet flýgur frá Akureyri til Manchester í vetur 500 manns sóttu um störf hjá OCHE Reykjavík Fyrsta íslenska grænkera ostagerðin í hættu Skuldar þrotabúi föður síns fleiri milljarða Fleiri farþegar og betri nýting Gengu frá 135 milljarða samningi um endurfjármögnun skulda Fjárfesta fyrir þrjá milljarða í Reykjanesbæ og Hafnarfirði Ein og hálf milljón farþega á fyrstu fimm mánuðum ársins Ingibjörg Ösp yfir nýrri rekstrarráðgjöf Expectus Þrír nýir stjórnendur hjá Festi „Að fara í slag við þessa risa er nánast ómögulegt“ Fjórir sérfræðingar til liðs við Helix Vilhjálmur Hilmarsson nýr hagfræðingur Visku Heimtu hlutinn úr helju og verða stærstu einkafjárfestarnir Varar við þenslu á byggingamarkaði Ráðinn tækni- og þróunarstjóri Defend Iceland Bein útsending: Ásgeir og Arnór sitja fyrir svörum Þrálát verðbólga mun skapa áskoranir fyrir fjármálakerfið Ráðinn nýr framkvæmdastjóri hjá Landsneti Herða eftirlit með kínverskum verslunarrisa í leiftursókn Félag í eigu Quang Lé gjaldþrota Öfugþróun að minni verðmæti komi af hverjum ferðamanni „Viðskiptakonan“ sem komst á Bessastaði í annarri tilraun Samruninn hefði haft umtalsverð skaðleg áhrif Svarta sviðsmyndin blasir við ferðaþjónustunni í ár Icelandair hefur flug til Halifax á nýjan leik Tæplega sextíu sagt upp hjá Landvinnslu Þorbjarnar í Grindavík Sjá meira