Innlent

Engin form­leg leit hafin á Eski­firði

Árni Sæberg skrifar
Lögreglan á Eskifirði hefur ekki hafið formlega leit að neinum í bænum.
Lögreglan á Eskifirði hefur ekki hafið formlega leit að neinum í bænum. Vísir/Vilhelm

Greint hefur verið frá því í dag að leit sé hafin á Eskifirði að manni sem ekkert hefur spurst til um nokkurra daga skeið. Upplýsingafulltrúi Landsbjargar segir að frekar sé um eftirgrennslan að ræða.

Í frétt Austurfréttar segir að leit sé hafin á Eskifirði að íslenskum manni sem búsettur hefur verið í bænum um nokkra hríð og starfar í nágrenninu. Ekkert hafi sést til mannsins í rúmlega tíu daga.

Jón Þór Víglundsson, upplýsingafulltrúi Landsbjargar, staðfestir í samtali við Vísi að björgunarsveitir á svæðinu hafi verið að störfum í dag en að ekki hafi verið um formlega leit að manninum að ræða.

Frekar hafi verið um eftirgrennslan að ræða og björgunarsveitarmenn hafi gert fjarleit um bæinn, litið yfir opin svæði og farið með fram strandlengjunni.

Kristján Ólafur Guðnason, yfirlögregluþjónn við embætti lögreglustjórans á Austurlandi, segir í samtali við Vísi að lögreglan hafi ekki tekið neina ákvörðun um að hefja formlega leit að manninum og að hún muni ekki tjá sig frekar um málið að svo stöddu. 

Hann segir að lögreglan muni gefa út tilkynningu um málið, gerist þess þörf.

Björgunarsveitir Lögreglumál Fjarðabyggð
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið