Handbolti

Bjarki Már og félagar áfram með fullt hús stiga

Arnar Geir Halldórsson skrifar
Bjarki Már Elísson.
Bjarki Már Elísson. Handballveszprem.hu

Vezsprem hefur yfirburði í ungversku úrvalsdeildinni í handbolta um þessar mundir eins og stundum áður.

Í dag fór liðið á erfiðan útivöll þegar Ferencvaros var heimsótt og var Bjarki Már Elísson á sínum stað í liði Vezsprem.

Vezsprem vann leikinn örugglega með tíu marka mun, 30-40 og gerði Bjarki Már þrjú mörk á þeim hálftíma sem hann spilaði í leiknum. Franski landsliðsmaðurinn Kentin Mahe markahæstur í liði Vezsprem með sex mörk.

Bjarki og félagar eru með fullt hús stiga á toppi deildarinnar eftir sextán umferðir en Pick Szeged er í öðru sæti og hefur aðeins tapað einum leik á tímabilinu.

Ungverski handboltinn

Mest lesið


Fleiri fréttir

Sjá meira


×

Mest lesið