Innlent

Saltkjötið vinsælt þrátt fyrir að verið sé að tala það niður

Ólafur Björn Sverrisson skrifar
Jóhannes Stefánsson, eigandi Múlakkaffis.
Jóhannes Stefánsson, eigandi Múlakkaffis. skjáskot

Sprengidagur 2023 er senn á enda. Eigandi Múlakaffis segir saltkjöt og baunir alltaf jafn vinsælt þrátt fyrir að „verið sé að tala það niður,“ eins og hann orðar það.

„Þetta er búið að vera mjög gott í dag, það lætur ekkert undan í þessu þó verið sé að tala þetta niður. Þetta bara eykst,“ segir Jóhannes Stefánsson, eigandi Múlakaffis, þegar Kristín Ólafsdóttir fréttamaður náði af honum tali í kvöldfréttum:

Hann segist hafa orðið var við að saltkjötið hafi verið talað niður, eins og hann orðar það. „Það er verið að tala um að þetta sé saltað og óhollt en þetta er samt alltaf sama traffíkin.“ Skatan sé þó enn vinsælli hjá Stefáni.

Biðröð hafi verið út úr dyrum í hádeginu í dag þegar hópar mættu til að gæða sér á saltkjöti og baunum.

Í innslagi Kristínar var einnig rætt við þrjár kynslóðir sem sátu þar saman þar á Múlakaffi og hámuðu í sig saltkjöt. Horfa má á heimsóknina í spilaranum hér að ofan.

Sprengidagur Reykjavík Matur Veitingastaðir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið