Erlent

Fundu flug­vélar­flak á eld­fjalli

Bjarki Sigurðsson skrifar
Flakið er talið vera af flugvél mannanna.
Flakið er talið vera af flugvél mannanna. Joey Salceda

Yfirvöld á Filippseyjum hafa sent björgunarhópa upp á óvirka eldfjallið Mayon í leit að fjórum mönnum sem taldir eru hafa brotlent á fjallinu. Í gær náðu björgunaraðilar að staðsetja flugvélarflak mannanna ofan á fjallinu. 

Flugvélin var á leið frá Bicol flugvellinum til Manila, höfuðborgar Filippseyja, þegar hún hvarf á laugardaginn. Um borð voru tveir ástralskir menn sem starfa fyrir filippseyskt jarðhitafyrirtæki, filippseyskur flugmaður og filippseyskur flugliði. 

CNN greinir frá því að á sunnudaginn hafi björgunaraðilum tekist að staðsetja flak flugvélar ofan á eldfjallinu en hvort það sé flugvél mannanna á eftir að fá staðfest. Um er að ræða Cessna 340 vél en nú eru viðbragðsaðilar á leið í átt að flakinu. Eldfjallið er óvirkt en gaus síðast árið 2018.

Vonin um að finna mennina á lífi er veik þar sem aðstæður uppi á fjallinu eru mjög erfiðar. Þegar komið verður að flakinu verður hægt að finna út úr því hvers vegna vélin hrapaði. 

Filippseyjar Fréttir af flugi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið