Sjómenn skrifa undir lengstu samninga sögunnar Samúel Karl Ólason skrifar 9. febrúar 2023 23:46 Úr Karphúsinu í kvöld. Vísir/Viktor Örn Kátt var á hjalla og vöfflulyktin angaði í Karphúsinu í kvöld þar sem forsvarsmenn Sjómannasambands Íslands og Samtaka fyrirtækja í sjávarútvegi (SFS) skrifuðu undir nýja kjarasamninga. Samningar þessir eiga að gilda til tíu ára. Þessir samningar eru líklega þeir lengstu sem skrifað hefur verið undir á Íslandi. Sjómenn hafa verið án samninga frá lokum árs 2019 en viðræðum var síðast slitið árið 2021. Viðræður hafa staðið yfir í Karphúsinu frá áramótum og hefur þeim verið lýst sem hörðum en góðum. Í tilkynningu frá SFS segir að megininntak samninganna lúti að betri kjörum og réttindum til framtíðar, auk hnitmiðaðra aðgerða til að auka traust við skipti á verðmætum úr sjó. Greiðslur í lífeyrissjóð og kauptrygging hækki í samræmi við samninga á almennum vinnumarkaði og þar að auki sé áhersla lögð á aukið gagnsæi og upplýsingagjöf vegna fiskverðsmála. Þar segir enn fremur að með langtímasamningi til tíu ára sé samstarf sjómanna og sjávarútvegsfyrirtækja styrkt og frekari grundvöllur lagður að því að viðhalda eftirsóknarverðum og vel launuðum störfum á sjó. Þá eigi að setja aukinn þunga í öryggismál og heilsu sjómanna með stofnun sérstakrar öryggisnefndar. Hart tekist á Aðalsteinn Leifsson, ríkissáttasemjari, segir stemninguna gríðarlega góða eftir undirskriftina. Mikil vinna hafi verið unnin síðustu daga og samninganefndirnar hafi staðið sig mjög vel. Hann segir að vinnan hafi gengið nokkuð vel eftir að deilurnar rötuðu á borð hans. „Það var auðvitað hart tekist á stundum en þetta var virkilega gott samtal,“ sagði Aðalsteinn. Aðalsteini telst til að þetta sé lengsti kjarasamningur sem gerður hefur verið á Íslandi. Tryggja kjör til lengri tíma Heiðrún Lind Marteinsdóttir, framkvæmdastjóri FSF, segir þetta vera risastóran áfanga. Það hafi tekið langan tíma að ná samningum en mikið traust hafi myndast milli deiluaðila á þeim tíma. Hún segir að nú sé málið úr þeirra höndum, kynna þurfi samningana og vona eftir því besta. „Ég tel að við séum að tryggja sjómönnum góð kjör til lengri tíma,“ segir Heiðrún í samtali við fréttastofu. Heiðrún sagði einni að halda þyrfti áfram að byggja traust og auka stöðugleika. Ekki síst vegna þess að með þessum samningi væri verið að gera eitthvað sem hefði ekki verið gert áður. Verið væri að binda saman jákvæða þætti hlutaskiptakerfisins og almenna vinnumarkaðarins. Ganga sáttir frá borði Valmundur Valmundsson, formaður Sjómannasambands Íslands, segir mjög góða stemningu hjá þeim sem að samningunum stóðu. Mikil vinna hafi verið lögð í þetta frá áramótum með löngum fundum nokkrum sinum í viku. Hann segist þeirrar skoðunar að um tímamótasamning sé að ræða sem tryggi sjómönnum hækkanir í samræmi við aðra kjarasamninga á tímabilinu og vel hafi verið komið til móts við þá varðandi lífeyrissjóði. Þrátt fyrir það séu tíu ár ekki langur tími þegar komi að sjómönnum. Undanfarin tólf ár hafi þeir til að mynda verið samningslausir í níu ár. Kynningarvinnan mun hefjast strax á morgun og standa yfir í næstu viku. Eftir það hefst atkvæðagreiðslan líklega, samkvæmt Valmundi, og á hún að standa yfir í þrjár vikur. „Við göngum mjög sáttir frá borði og teljum þetta mjög ásættanlegt fyrir íslenska sjómenn.“ Kjaramál Sjávarútvegur Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Stöðugleiki norðlægrar hringrásar skammgóður vermir fyrir Ísland Innlent Sigmundur seinn: „Er þingmaðurinn í salnum?“ Innlent Halla tekur sér frí og vill að karlmenn axli ábyrgð Innlent Pallborðið: Stungið höfðinu í sandinn í tuttugu ár Innlent Kröfur kvennaárs komnar í innheimtu og gjalddaginn fallinn Innlent Verktakar hafi greinilega nóg því þeir kjósi frekar að bíða en lækka Innlent Annað safn rænt í Frakklandi um helgina Erlent Engin lausn og ákveðin sjálfsblekking að banna börnum að nota tölvuleiki Innlent Fleiri fréttir Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Sjá meira
Þessir samningar eru líklega þeir lengstu sem skrifað hefur verið undir á Íslandi. Sjómenn hafa verið án samninga frá lokum árs 2019 en viðræðum var síðast slitið árið 2021. Viðræður hafa staðið yfir í Karphúsinu frá áramótum og hefur þeim verið lýst sem hörðum en góðum. Í tilkynningu frá SFS segir að megininntak samninganna lúti að betri kjörum og réttindum til framtíðar, auk hnitmiðaðra aðgerða til að auka traust við skipti á verðmætum úr sjó. Greiðslur í lífeyrissjóð og kauptrygging hækki í samræmi við samninga á almennum vinnumarkaði og þar að auki sé áhersla lögð á aukið gagnsæi og upplýsingagjöf vegna fiskverðsmála. Þar segir enn fremur að með langtímasamningi til tíu ára sé samstarf sjómanna og sjávarútvegsfyrirtækja styrkt og frekari grundvöllur lagður að því að viðhalda eftirsóknarverðum og vel launuðum störfum á sjó. Þá eigi að setja aukinn þunga í öryggismál og heilsu sjómanna með stofnun sérstakrar öryggisnefndar. Hart tekist á Aðalsteinn Leifsson, ríkissáttasemjari, segir stemninguna gríðarlega góða eftir undirskriftina. Mikil vinna hafi verið unnin síðustu daga og samninganefndirnar hafi staðið sig mjög vel. Hann segir að vinnan hafi gengið nokkuð vel eftir að deilurnar rötuðu á borð hans. „Það var auðvitað hart tekist á stundum en þetta var virkilega gott samtal,“ sagði Aðalsteinn. Aðalsteini telst til að þetta sé lengsti kjarasamningur sem gerður hefur verið á Íslandi. Tryggja kjör til lengri tíma Heiðrún Lind Marteinsdóttir, framkvæmdastjóri FSF, segir þetta vera risastóran áfanga. Það hafi tekið langan tíma að ná samningum en mikið traust hafi myndast milli deiluaðila á þeim tíma. Hún segir að nú sé málið úr þeirra höndum, kynna þurfi samningana og vona eftir því besta. „Ég tel að við séum að tryggja sjómönnum góð kjör til lengri tíma,“ segir Heiðrún í samtali við fréttastofu. Heiðrún sagði einni að halda þyrfti áfram að byggja traust og auka stöðugleika. Ekki síst vegna þess að með þessum samningi væri verið að gera eitthvað sem hefði ekki verið gert áður. Verið væri að binda saman jákvæða þætti hlutaskiptakerfisins og almenna vinnumarkaðarins. Ganga sáttir frá borði Valmundur Valmundsson, formaður Sjómannasambands Íslands, segir mjög góða stemningu hjá þeim sem að samningunum stóðu. Mikil vinna hafi verið lögð í þetta frá áramótum með löngum fundum nokkrum sinum í viku. Hann segist þeirrar skoðunar að um tímamótasamning sé að ræða sem tryggi sjómönnum hækkanir í samræmi við aðra kjarasamninga á tímabilinu og vel hafi verið komið til móts við þá varðandi lífeyrissjóði. Þrátt fyrir það séu tíu ár ekki langur tími þegar komi að sjómönnum. Undanfarin tólf ár hafi þeir til að mynda verið samningslausir í níu ár. Kynningarvinnan mun hefjast strax á morgun og standa yfir í næstu viku. Eftir það hefst atkvæðagreiðslan líklega, samkvæmt Valmundi, og á hún að standa yfir í þrjár vikur. „Við göngum mjög sáttir frá borði og teljum þetta mjög ásættanlegt fyrir íslenska sjómenn.“
Kjaramál Sjávarútvegur Mest lesið Titringur í hreppnum vegna lögheimilisflutninga Innlent Gagnrýna lítinn fyrirvara á skipulagi kvennafrídagsins Innlent Stöðugleiki norðlægrar hringrásar skammgóður vermir fyrir Ísland Innlent Sigmundur seinn: „Er þingmaðurinn í salnum?“ Innlent Halla tekur sér frí og vill að karlmenn axli ábyrgð Innlent Pallborðið: Stungið höfðinu í sandinn í tuttugu ár Innlent Kröfur kvennaárs komnar í innheimtu og gjalddaginn fallinn Innlent Verktakar hafi greinilega nóg því þeir kjósi frekar að bíða en lækka Innlent Annað safn rænt í Frakklandi um helgina Erlent Engin lausn og ákveðin sjálfsblekking að banna börnum að nota tölvuleiki Innlent Fleiri fréttir Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Stungið höfðinu í sandinn í tuttugu ár Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Sjá meira