Erlent

Sau­tján ára fangelsi fyrir morðið á Birgitte Tengs árið 1995

Atli Ísleifsson skrifar
Hin sautján ára Tengs fannst látin ekki langt á Karmøy við Haugasund 6. maí 1995.
Hin sautján ára Tengs fannst látin ekki langt á Karmøy við Haugasund 6. maí 1995. norska lögreglan

Dómstóll í Noregi dæmdi í morgun 52 ára karlmann, Johny Vassbakk, í sautján ára fangelsi fyrir morðið á Birgitte Tengs í Karmøy í Noregi árið 1995.

Mikið hefur verið fjallað um morðið á Tengs í norskum fjölmiðlum síðustu ár. Verdens Gang segir frá því að Vassbakk hafi hnigið niður í dómsal eftir að dómur var kveðinn upp.

Hin sautján ára Tengs fannst látin á Karmøy við Haugasund 6. maí 1995. Var ljóst að henni hafði verið nauðgað áður en hún var drepin. Hinn grunaði í málinu var á þrítugsaldri á þeim tíma sem morðið var framið.

Vassbakk var einnig dæmdur til að greiða foreldrum Tengs samtals 1,2 milljónir norskra króna í miskabætur, um 17 milljónir íslenskra króna.

Greint var frá því haustið 2021 að karlmaður á sextugsaldri lægi undir skjalfestum grun um morðið á Tengs. 

Vassbakk neitaði sök í málinu en hann var handtekinn meðal annars eftir að niðurstöður bárust úr rannsókn sem gerð var í Austurríki á lífsýni sem tekið var árið 2019. Vassbakk hafði áður komið við sögu í rannsókn lögreglunnar á málinu.

Frændi Tengs var dæmdur fyrir morðið á henni árið 1997 en var sýknaður ári síðar.


Tengdar fréttir

Grunaður um morðið á hinni sau­tján ára Birgitte Tengs árið 1995

Karlmaður á sextugsaldri liggur nú undir skjalfestum grun fyrir morðið á hinni sautján ára Birgitte Tengs í Karmøy í Noregi árið 1995. Maðurinn er einnig grunaður um morð á annarri konu, hinni tvítugu Tinu Jørgensen, í Stafangri fimm árum síðar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×