Olís-stöðutékk: Álag á Val, vonir í Eyjum og leiðin liggur vestur Ingvi Þór Sæmundsson skrifar 3. febrúar 2023 11:01 Fjórtánda umferð Olís-deildar karla hefst í kvöld með stórleik Vals og FH. vísir/hulda margrét/diego Olís-deild karla hefst fyrir alvöru um helgina eftir HM-hléið en þá fer 14. umferðin fram. En hvernig er staðan á liðunum einum og hálfum mánuði eftir síðasta leik þeirra. Vísir fór yfir stöðuna á liðunum tólf. 1. Valur - 25 stig Valsmenn tóku forskot á sæluna og unnu Seltirninga, 28-32, á þriðjudaginn í fyrsta leik Olís-deildarinnar í fimmtíu daga. Dagskrá Vals í febrúar er þétt en liðið leikur átta leiki í mánuðinum. Valur spilar þrjá leiki í Olís-deildinni, einn í Powerade-bikarnum og svo fjóra í Evrópudeildinni. Valsmenn eru með sex stiga forskot á toppi Olís-deildarinnar en þurfa að halda vel á spilunum. Óvíst er hvenær Róbert Aron Hostert snýr aftur en hann glímir við brjósklos í hálsi. Bestu fréttirnir fyrir Val í HM-hléinu voru hins vegar þær að Snorri Steinn Guðjónsson, þjálfari liðsins, framlengdi samning sinn við félagið. 2. FH - 19 stig Stærstu fréttirnar úr Firðinum voru auðvitað af endurkomu Arons Pálmarssonar sem gengur í raðir FH í sumar, eftir fjórtán ár í atvinnumennsku. Hafnfirðingar unnu ekki fyrstu fjóra leiki sína í Olís-deildinni en fóru svo á mikið flug og unnu átta af níu leikjum sínum fyrir áramót og gerðu eitt jafntefli. FH fékk Alexander Má Egan frá Fram áður en félagaskiptaglugganum lokar en hann á að fylla skarð Leonharðs Þorgeirs Harðarsonar sem er meiddur. 3. Afturelding - 17 stig Líkt og FH byrjaði Afturelding tímabilið illa og fékk aðeins eitt stig í fyrstu þremur umferðunum. Síðan hafa Mosfellingar verið öflugir, unnið sjö af síðustu tíu leikjum, gert tvö jafntefli og tapað einum leik, fyrir FH-ingum. 4. Fram - 15 stig Öfugt við FH og Aftureldingu byrjaði Fram tímabilið af miklum krafti og er til að mynda eina liðið sem hefur unnið Val í Olís-deildinni. Frammarar töpuðu hins vegar fjórum af síðustu fimm leikjum sínum fyrir HM-hléið, þar af þremur á heimavelli. Þeir geta samt ágætlega vel við unað að vera í 4. sætinu þótt þeir hafi vissulega leikið einum leik meira en flest liðin í deildinni. Alexander Már Egan fór frá Fram til FH eins og áður var getið. 5. ÍBV - 14 stig Eyjamenn buðu upp á hverja markaveisluna á fætur annarri fyrir áramót. Aðeins Valur hefur skorað meira en ÍBV (33,4 mörk í leik) en bara botnliðin hafa fengið á sig fleiri mörk (31,0). Eins og undanfarin ár hefur markvarslan verið aðalvandamál ÍBV. Eyjamenn hafa reynt að laga það með því að fá tékkneska markvörðinn Pavel Miskevich. Hann er 25 ára og lék síðast með San Jose Lanzarote á Spáni. Þá er Sigtryggur Daði Rúnarsson kominn aftur til ÍBV eftir að hafa verið á láni hjá Alplha Hard í Austurríki frá því í október. Eyjamenn eru í 5. sætinu með fjórtán stig en hafa bara leikið tólf leiki. 6. Stjarnan - 14 stig Stjarnan er í 6. sætinu með fjórtán stig og hefur aldrei komist á neitt flug. Liðið hefur bara einu sinni unnið tvo leiki í röð. Stjörnumenn hafa heldur ekki sokkið djúpt og hafa aldrei tapað meira en einum leik í röð. 7. Haukar - 13 stig Haukar eru eina lið deildarinnar sem hefur skipt um þjálfara. Í byrjun nóvember hætti Rúnar Sigtryggsson og við tók Ásgeir Örn Hallgrímsson. Haukar hafa unnið fjóra af sex leikjum sínum undir stjórn Ásgeirs og eru komnir upp í miðja deild eftir að hafa verið í fallsæti um tíma. Haukar fengu vinstri hornamanninn Sigurður Snæ Sigurjónsson frá Selfossi og samkvæmt heimildum Vísis er Aron Rafn Eðvarðsson byrjaður að æfa með liðinu. Hann hefur verið frá keppni í um ár vegna höfuðmeiðsla. Þá styttist í að Þráinn Orri Jónsson snúi aftur á völlinn eftir krossbandsslit. 8. Selfoss - 13 stig Selfyssingar unnu tvo af síðustu þremur leikjum sínum fyrir áramót eftir að hafa tapað þremur leikjum í röð þar á undan. Selfyssingar misstu Sigurð Snæ Sigurjónsson til Hauka eins og áður hefur komið fram. 9. Grótta - 11 stig Grótta hefur séð aðdáendum Olís-deildarinnar fyrir spennuleikjum en til marks um það er markatala liðsins 358-359. Seltirningar töpuðu með fjögurra marka mun fyrir Valsmönnum á þriðjudaginn. Grótta er með bestu vörn deildarinnar (27,6 mörk á sig í leik) en slökustu sóknina (27,5 mörk skoruð í leik). 10. KA - 9 stig Skömmu fyrir jól bárust fréttir af því að Jónatan Magnússon léti af störfum hjá KA í sumar eftir nokkurra ára starf. Strákarnir hans Jónatans eru í 10. sæti með níu stig, fjórum stigum frá úrslitakeppnissæti og fjórum stigum frá fallsæti. Gengið á heimavelli hefur verið vonbrigði en KA-menn hafa aðeins unnið einn af sex leikjum sínum fyrir norðan. KA vonast til að endurheimta Ólaf Gústafsson sem hefur ekkert spilað á tímabilinu vegna meiðsla. 11. ÍR - 5 stig ÍR-ingarnir hans Bjarna Fritzsonar hafa komið á óvart í vetur og náð í fimm stig sem er líklega fimm stigum meira en flestir bjuggust við. Þeir eru samt í fallsæti, fjórum stigum frá öruggu sæti. 12. Hörður - 1 stig Botnlið Harðar var heldur betur virkt á félagaskiptamarkaðnum meðan deildin lá í dvala. Harðverjar sömdu nefnilega við þrjá erlenda leikmenn sem eru með flotta ferilskrá. Fyrstan skal nefna Alexander Tatarintsev, 32 ára risa sem á leiki að baki fyrir rússneska landsliðið og hefur meðal annars leikið með Ademar León á Spáni, Kristianstad í Svíþjóð og Górnik Zabrze í Póllandi. Næst er það Leos Renaud-David, 35 ára frönsk vinstri skytta sem lék síðast Bidasoa á Spáni. Hann hefur komið víða við á ferlinum. Loks er það íranski markvörðurinn Mohsen Babasafari Renani sem kemur frá Rúmeníu. Þremenningarnir gætu leikið sinn fyrsta leik fyrir Hörð þegar liðið sækir KA heim á morgun. Harðverjum veitir ekki af liðsstyrk enda aðeins með eitt stig á botni deildarinnar, átta stigum frá öruggu sæti. Leikir 14. umferðar Föstudagur 3. feb: Valur-FH, kl. 18:00 - Stöð 2 Sport Laugardagur 4. feb: KA-Hörður, kl. 15:00 Sunnudagur 5. feb: ÍR-ÍBV, kl. 16:00 Selfoss-Haukar, kl. 19:30 Stjarnan-Grótta, kl. 19:30 - Stöð 2 Sport Mánudagur 6. feb: Afturelding-Fram, kl. 19:30 - Stöð 2 Sport Olís-deild karla Mest lesið „Langar að segja að ég hafi aldrei verið hrædd en var það allan tímann“ Handbolti Vallarþulurinn í Keflavík lét Ægi Þór heyra það Körfubolti Sjáðu allt það helsta úr enska boltanum í dag Fótbolti Dramatík í víðavangshlaupinu: Þorsteinn dæmdur úr leik fyrir að hrinda Arnari Sport „Enn hungur hjá leikmönnum og stuðningsmönnum“ Fótbolti Dagskráin í dag: Stórleikur í enska boltanum Sport „Færum þeim jöfnunarmarkið á silfurfati“ Fótbolti Uppgjörið: Breiðablik - Víkingur 1-2 | Glæsimark hjá Tarik gerði skráveifu í Evrópudraum Blika Íslenski boltinn Leikmenn í spænsku úrvalsdeildinni lögðu niður störf í mótmælaskyni Fótbolti Eggert Aron skoraði tvö í stórsigri Brann Fótbolti Fleiri fréttir „Langar að segja að ég hafi aldrei verið hrædd en var það allan tímann“ Viggó markahæstur í góðum sigri Erlangen Eins marks sigur Eyjamanna í Mosfellsbænum Donni með skotsýningu Níu marka tap FH í Tyrklandi Fækkar í starfsteyminu vegna fjárhagskragga Framarar enduðu langa taphrinu með sannfærandi sigri Gott kvöld fyrir Stiven og félaga Þrír markverðir valdir en enginn Bjarki Már Haukar einir á toppnum og HK á hraðri leið upp töfluna Tíu marka kvöld hjá Orra í Meistaradeildinni KA-menn fögnuðu fjórða sigrinum í röð og nú á móti Val Ekki góð ferð til Lemgo hjá Hauki og félögum Meira harpix á milli Íslands, Færeyja og Grænlands Gæti misst af HM ef hún fær ekki vegabréf fyrir nýfædda dóttur sína Fórnaði frægasta hári handboltans Portúgalarnir í skýjunum yfir gestrisni Framara Hafa unnið 31 af síðustu 33 leikjum í deild og Meistaradeild „Mér finnst þetta bara ömurlegt“ Varnaræfingar bitnuðu á sóknarleiknum Ísland - Færeyjar 22-24 | Þungt kvöld í Úlfarsárdal Viktor Gísli í sigurliði í Meistaradeildinni Magdeburg hélt sigurgöngunni áfram í Meistaradeildinni „Við skulum ekki tala mikið um það“ Nefndin svaf á verðinum og Ívar Logi slapp eftir „hræðilegt“ brot Eins í íþróttum og jarðgöngum Hæstánægð þrátt fyrir krefjandi áskoranir utan vallar Uppgjörið: Fram - Porto 26-38 | Vel studdur Þorsteinn fer glaður til Portúgals „Allt þetta fólk sem kemur að þessu á þvílíkan heiður skilinn“ Donni öflugur í sigri á Spáni Sjá meira
1. Valur - 25 stig Valsmenn tóku forskot á sæluna og unnu Seltirninga, 28-32, á þriðjudaginn í fyrsta leik Olís-deildarinnar í fimmtíu daga. Dagskrá Vals í febrúar er þétt en liðið leikur átta leiki í mánuðinum. Valur spilar þrjá leiki í Olís-deildinni, einn í Powerade-bikarnum og svo fjóra í Evrópudeildinni. Valsmenn eru með sex stiga forskot á toppi Olís-deildarinnar en þurfa að halda vel á spilunum. Óvíst er hvenær Róbert Aron Hostert snýr aftur en hann glímir við brjósklos í hálsi. Bestu fréttirnir fyrir Val í HM-hléinu voru hins vegar þær að Snorri Steinn Guðjónsson, þjálfari liðsins, framlengdi samning sinn við félagið. 2. FH - 19 stig Stærstu fréttirnar úr Firðinum voru auðvitað af endurkomu Arons Pálmarssonar sem gengur í raðir FH í sumar, eftir fjórtán ár í atvinnumennsku. Hafnfirðingar unnu ekki fyrstu fjóra leiki sína í Olís-deildinni en fóru svo á mikið flug og unnu átta af níu leikjum sínum fyrir áramót og gerðu eitt jafntefli. FH fékk Alexander Má Egan frá Fram áður en félagaskiptaglugganum lokar en hann á að fylla skarð Leonharðs Þorgeirs Harðarsonar sem er meiddur. 3. Afturelding - 17 stig Líkt og FH byrjaði Afturelding tímabilið illa og fékk aðeins eitt stig í fyrstu þremur umferðunum. Síðan hafa Mosfellingar verið öflugir, unnið sjö af síðustu tíu leikjum, gert tvö jafntefli og tapað einum leik, fyrir FH-ingum. 4. Fram - 15 stig Öfugt við FH og Aftureldingu byrjaði Fram tímabilið af miklum krafti og er til að mynda eina liðið sem hefur unnið Val í Olís-deildinni. Frammarar töpuðu hins vegar fjórum af síðustu fimm leikjum sínum fyrir HM-hléið, þar af þremur á heimavelli. Þeir geta samt ágætlega vel við unað að vera í 4. sætinu þótt þeir hafi vissulega leikið einum leik meira en flest liðin í deildinni. Alexander Már Egan fór frá Fram til FH eins og áður var getið. 5. ÍBV - 14 stig Eyjamenn buðu upp á hverja markaveisluna á fætur annarri fyrir áramót. Aðeins Valur hefur skorað meira en ÍBV (33,4 mörk í leik) en bara botnliðin hafa fengið á sig fleiri mörk (31,0). Eins og undanfarin ár hefur markvarslan verið aðalvandamál ÍBV. Eyjamenn hafa reynt að laga það með því að fá tékkneska markvörðinn Pavel Miskevich. Hann er 25 ára og lék síðast með San Jose Lanzarote á Spáni. Þá er Sigtryggur Daði Rúnarsson kominn aftur til ÍBV eftir að hafa verið á láni hjá Alplha Hard í Austurríki frá því í október. Eyjamenn eru í 5. sætinu með fjórtán stig en hafa bara leikið tólf leiki. 6. Stjarnan - 14 stig Stjarnan er í 6. sætinu með fjórtán stig og hefur aldrei komist á neitt flug. Liðið hefur bara einu sinni unnið tvo leiki í röð. Stjörnumenn hafa heldur ekki sokkið djúpt og hafa aldrei tapað meira en einum leik í röð. 7. Haukar - 13 stig Haukar eru eina lið deildarinnar sem hefur skipt um þjálfara. Í byrjun nóvember hætti Rúnar Sigtryggsson og við tók Ásgeir Örn Hallgrímsson. Haukar hafa unnið fjóra af sex leikjum sínum undir stjórn Ásgeirs og eru komnir upp í miðja deild eftir að hafa verið í fallsæti um tíma. Haukar fengu vinstri hornamanninn Sigurður Snæ Sigurjónsson frá Selfossi og samkvæmt heimildum Vísis er Aron Rafn Eðvarðsson byrjaður að æfa með liðinu. Hann hefur verið frá keppni í um ár vegna höfuðmeiðsla. Þá styttist í að Þráinn Orri Jónsson snúi aftur á völlinn eftir krossbandsslit. 8. Selfoss - 13 stig Selfyssingar unnu tvo af síðustu þremur leikjum sínum fyrir áramót eftir að hafa tapað þremur leikjum í röð þar á undan. Selfyssingar misstu Sigurð Snæ Sigurjónsson til Hauka eins og áður hefur komið fram. 9. Grótta - 11 stig Grótta hefur séð aðdáendum Olís-deildarinnar fyrir spennuleikjum en til marks um það er markatala liðsins 358-359. Seltirningar töpuðu með fjögurra marka mun fyrir Valsmönnum á þriðjudaginn. Grótta er með bestu vörn deildarinnar (27,6 mörk á sig í leik) en slökustu sóknina (27,5 mörk skoruð í leik). 10. KA - 9 stig Skömmu fyrir jól bárust fréttir af því að Jónatan Magnússon léti af störfum hjá KA í sumar eftir nokkurra ára starf. Strákarnir hans Jónatans eru í 10. sæti með níu stig, fjórum stigum frá úrslitakeppnissæti og fjórum stigum frá fallsæti. Gengið á heimavelli hefur verið vonbrigði en KA-menn hafa aðeins unnið einn af sex leikjum sínum fyrir norðan. KA vonast til að endurheimta Ólaf Gústafsson sem hefur ekkert spilað á tímabilinu vegna meiðsla. 11. ÍR - 5 stig ÍR-ingarnir hans Bjarna Fritzsonar hafa komið á óvart í vetur og náð í fimm stig sem er líklega fimm stigum meira en flestir bjuggust við. Þeir eru samt í fallsæti, fjórum stigum frá öruggu sæti. 12. Hörður - 1 stig Botnlið Harðar var heldur betur virkt á félagaskiptamarkaðnum meðan deildin lá í dvala. Harðverjar sömdu nefnilega við þrjá erlenda leikmenn sem eru með flotta ferilskrá. Fyrstan skal nefna Alexander Tatarintsev, 32 ára risa sem á leiki að baki fyrir rússneska landsliðið og hefur meðal annars leikið með Ademar León á Spáni, Kristianstad í Svíþjóð og Górnik Zabrze í Póllandi. Næst er það Leos Renaud-David, 35 ára frönsk vinstri skytta sem lék síðast Bidasoa á Spáni. Hann hefur komið víða við á ferlinum. Loks er það íranski markvörðurinn Mohsen Babasafari Renani sem kemur frá Rúmeníu. Þremenningarnir gætu leikið sinn fyrsta leik fyrir Hörð þegar liðið sækir KA heim á morgun. Harðverjum veitir ekki af liðsstyrk enda aðeins með eitt stig á botni deildarinnar, átta stigum frá öruggu sæti. Leikir 14. umferðar Föstudagur 3. feb: Valur-FH, kl. 18:00 - Stöð 2 Sport Laugardagur 4. feb: KA-Hörður, kl. 15:00 Sunnudagur 5. feb: ÍR-ÍBV, kl. 16:00 Selfoss-Haukar, kl. 19:30 Stjarnan-Grótta, kl. 19:30 - Stöð 2 Sport Mánudagur 6. feb: Afturelding-Fram, kl. 19:30 - Stöð 2 Sport
Föstudagur 3. feb: Valur-FH, kl. 18:00 - Stöð 2 Sport Laugardagur 4. feb: KA-Hörður, kl. 15:00 Sunnudagur 5. feb: ÍR-ÍBV, kl. 16:00 Selfoss-Haukar, kl. 19:30 Stjarnan-Grótta, kl. 19:30 - Stöð 2 Sport Mánudagur 6. feb: Afturelding-Fram, kl. 19:30 - Stöð 2 Sport
Olís-deild karla Mest lesið „Langar að segja að ég hafi aldrei verið hrædd en var það allan tímann“ Handbolti Vallarþulurinn í Keflavík lét Ægi Þór heyra það Körfubolti Sjáðu allt það helsta úr enska boltanum í dag Fótbolti Dramatík í víðavangshlaupinu: Þorsteinn dæmdur úr leik fyrir að hrinda Arnari Sport „Enn hungur hjá leikmönnum og stuðningsmönnum“ Fótbolti Dagskráin í dag: Stórleikur í enska boltanum Sport „Færum þeim jöfnunarmarkið á silfurfati“ Fótbolti Uppgjörið: Breiðablik - Víkingur 1-2 | Glæsimark hjá Tarik gerði skráveifu í Evrópudraum Blika Íslenski boltinn Leikmenn í spænsku úrvalsdeildinni lögðu niður störf í mótmælaskyni Fótbolti Eggert Aron skoraði tvö í stórsigri Brann Fótbolti Fleiri fréttir „Langar að segja að ég hafi aldrei verið hrædd en var það allan tímann“ Viggó markahæstur í góðum sigri Erlangen Eins marks sigur Eyjamanna í Mosfellsbænum Donni með skotsýningu Níu marka tap FH í Tyrklandi Fækkar í starfsteyminu vegna fjárhagskragga Framarar enduðu langa taphrinu með sannfærandi sigri Gott kvöld fyrir Stiven og félaga Þrír markverðir valdir en enginn Bjarki Már Haukar einir á toppnum og HK á hraðri leið upp töfluna Tíu marka kvöld hjá Orra í Meistaradeildinni KA-menn fögnuðu fjórða sigrinum í röð og nú á móti Val Ekki góð ferð til Lemgo hjá Hauki og félögum Meira harpix á milli Íslands, Færeyja og Grænlands Gæti misst af HM ef hún fær ekki vegabréf fyrir nýfædda dóttur sína Fórnaði frægasta hári handboltans Portúgalarnir í skýjunum yfir gestrisni Framara Hafa unnið 31 af síðustu 33 leikjum í deild og Meistaradeild „Mér finnst þetta bara ömurlegt“ Varnaræfingar bitnuðu á sóknarleiknum Ísland - Færeyjar 22-24 | Þungt kvöld í Úlfarsárdal Viktor Gísli í sigurliði í Meistaradeildinni Magdeburg hélt sigurgöngunni áfram í Meistaradeildinni „Við skulum ekki tala mikið um það“ Nefndin svaf á verðinum og Ívar Logi slapp eftir „hræðilegt“ brot Eins í íþróttum og jarðgöngum Hæstánægð þrátt fyrir krefjandi áskoranir utan vallar Uppgjörið: Fram - Porto 26-38 | Vel studdur Þorsteinn fer glaður til Portúgals „Allt þetta fólk sem kemur að þessu á þvílíkan heiður skilinn“ Donni öflugur í sigri á Spáni Sjá meira
Uppgjörið: Breiðablik - Víkingur 1-2 | Glæsimark hjá Tarik gerði skráveifu í Evrópudraum Blika Íslenski boltinn
Uppgjörið: Breiðablik - Víkingur 1-2 | Glæsimark hjá Tarik gerði skráveifu í Evrópudraum Blika Íslenski boltinn