Alvarlega slasaður eftir harðan árekstur á Seltjarnarnesi

Viktor Örn Ásgeirsson skrifar 27. janúar 2023 23:57

Fimm slösuðust eftir harðan tveggja bíla árekstur á Norðurströnd á Seltjarnarnesi á tólfta tímanum í kvöld, þar af einn alvarlega. Unnið er að því að koma fólki á sjúkrahús.

Sigurjón Hendriksson, varðstjóri hjá Slökkviliði höfuðborgarsvæðisins, segir að áreksturinn hafi átt sér stað í beygju á Norðurströnd. Hámarkshraði á veginum sé 50 kílómetra hraði á klukkustund.

„Það varð harður árekstur, tveggja bíla og fimm manns í bílunum sem við erum að flytja á slysadeild. Í svona hörðum árekstri þá flytjum við alla,“ segir Sigurjón. Hann segir að allir slösuðu hafi verið með meðvitund eftir áreksturinn.

Fjórir sjúkrabílar og einn dælubíll var sendur á vettvang. Aðgerðir eru enn yfirstandandi á vettvangi og veginum hefur verið lokað í bili. Gert er ráð fyrir því að lokunin standi yfir næsta klukkutímann á meðan unnið er að hreinsun á vettvangi.

Slökkvilið Seltjarnarnes Samgönguslys

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.