Innlent

Para­in­flúensa finnst nú í öllum lands­hlutum

Bjarki Sigurðsson skrifar
Veiran fannst í nautgripum í öllum landshlutum.
Veiran fannst í nautgripum í öllum landshlutum. Vísir/Vilhelm

Bovine Parainflúensa 3 veiran (BPIV3) greindist fyrst hér á landi á einum bæ á Norðausturlandi snemma haustið 2022. Ekki var vitað hvort um væri að ræða einstakt tilfelli eða hvort veiran væri dreifð í kúastofninum. Eftir rannsókn Matvælastofnunar (MAST) er komið í ljós að veiran finnst í öllum landshlutum. 

BPIV3 veldur vægri öndunarfærasýkingu í nautgripum og er landlæg víðast hvar í heiminum. Veikindi eru algegnust í kálfum sem ekki hafa fengið næg mótefni í gegnum brodd. Helstu einkenni eru hiti, nefrennsli og þurr hósti. 

Til þess að komast að því hversu útbreidd veiran væri í íslenska nautgripastofninum voru rúmlega sjötíu sýni send til rannsóknar í haust. Niðurstaða þeirrar rannsóknar var að veiran finnst nú þegar í öllum landshlutum. 

„Er því litið svo á að um sé að ræða dulda, landlæga sýkingu sem almennt er ekki að valda veikindum í nautgripum hérlendis. Miðað við umrætt tilvik virðist ákveðin ónæmisbæling vera forsenda þess að sýkingin magnist upp og fari að valda sjúkdómseinkennum,“ segir í tilkynningu á vef MAST.

Dýr Dýraheilbrigði Landbúnaður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið