Innlent

Ekki í lífs­hættu og á­rásar­maðurinn laus úr haldi

Árni Sæberg skrifar
Frá vettvangi í Þverholti í Mosfellsbæ í gærkvöldi.
Frá vettvangi í Þverholti í Mosfellsbæ í gærkvöldi. Aðsend

Ungur maður sem var stunginn í fjölbýlishúsi í Mosfellsbæ í gærkvöldi er ekki í lífshættu en líðan hans er eftir atvikum. Sá sem stakk hann var handtekinn í gær en hefur nú verið leystur úr haldi.

Í tilkynningu frá Lögreglunni á höfuðborgarsvæðinu segir að rannsókn lögreglu á málinu miði vel. Tilkynning hafi borist á tíunda tímanum á gærkvöldi og þegar lögreglu hafi borið að garði hafi tveir menn um tvítugt verið í íbúðinni. Annar þeirra hafði verið stunginn og var umsvifalaust fluttur á slysadeild.

Hinn maðurinn var handtekinn og færður á lögreglustöð. Hann er nú laus úr haldi þar sem rannsóknarhagsmunir eru ekki lengur taldir vera fyrir hendi, að því er segir í tilkynningu.

Lögreglumál Mosfellsbær
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið