Erlent

Benedikt sextándi sagður „mjög veikur“

Atli Ísleifsson skrifar
Benedikt sextándi og Frans páfi árið 2015.
Benedikt sextándi og Frans páfi árið 2015. Getty

Frans páfi segir að heilsa forvera síns í embætti, Benedikt sextánda páfa, sé orðin slæm og að hann sé nú „mjög veikur“.

Frans páfi greindi frá þessu i morgun þar sem hann bað fólk um að biðja fyrir Benedikt páfa sem nú er orðinn 95 ára gamall.

Benedikt varð árið 2013 fyrsti páfinn í um sex hundruð ár til að afsala sér embætti páfa.

„Ég vil biðja ykkur öll um að biðja sérstaklega fyrir Benedikt páfa. Hann er mjög veikur og biður drottinn um hughreystingu og stuðning,“ sagði Frans í morgun.

Páfagarður hefur enn sem komið ekki komið með formlega yfirlýsingu um ástand Benedikts páfa, að því er segir í frétt Reuters.

Bekedikt var 78 ára þegar hann tók við embætti árið 2005. Hann hefur búið í Páfagarði frá því að hann lét af embætti.

Páfagarður Trúmál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið