Innlent

Hnoðaður til lífs um borð í þotu Icelandair

Hólmfríður Gísladóttir skrifar
Svo heppilega vildi til að tveir læknar voru um borð.
Svo heppilega vildi til að tveir læknar voru um borð. Vísir/Vilhelm

Bandarískur karlmaður var hnoðaður til lífs um borð í þotu Icelandair að kvöldi jóladags, sem var þá á leið frá Íslandi til Seattle í Bandaríkjunum. Svo heppilega vildi til að tveir læknar voru með í för, sem aðstoðuðu flugþjón við að koma manninum til bjargar.

Frá þessu greinir Morgunblaðið.

Í frétt blaðsins segir að vélin hafi verið yfir nyrstu byggðum Kanada þegar maðurinn fékk hjartaáfall og var þotunni lent í bænum Iqaluit. Þar var manninum komið undir læknishendur en vélin hélt áfram til Bandaríkjanna, tveimur tímum á eftir áætlun.

Í frétt Morgunblaðsins segir einnig að áætlun Icelandair sé komin á rétt spor eftir röskun vegna veðurs og ófærðar á Reykjanesbraut. Greip fyrirtækið til þess ráðs að leigja tvær þotur til að koma öllum á áfangastað, meðal annars til Kaupmannahafnar og Tenerife.

Icelandair Samgöngur Heilbrigðismál Kanada
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið