Nokkrir miðjumenn á radarnum hjá Klopp

Talið er að enski landsliðsmaðurinn Jude Bellingham, leikmaður Borussia Dortmund, sé efstur á óskalistanum hjá Klopp og félagið rói öllum árum að því að klófesta kappann sem er eftirsóttur leikmaður. 

Sofyan Amrabat, sem sló í gegn með Marokkó á nýloknu heimsmeistaramóti, gæti einnig hafa vakið áhuga þýska stjórans með frammistöðu sinni þar. Amrabat leikur með Fiorentina. 

Einnig er greint frá því að viðræður séu í gangi á milli Liverpool og Benfica um kaup enska félagsins á nýkrýnda heimsmeistaranum Enzo Fernandez. 

Þá er nafn Moises Caicedo, leikmanns Brighton, sem stóð sig vel með Ekvador á HM nefnt til sögunnar í þessum efnum.