Erlent

Réðust gegn lög­­reglu í kjöl­far stað­­festingar ó­­­sigurs Bol­sonaro

Ellen Geirsdóttir Håkansson skrifar
Mótmælendur kveiktu í nærliggjandi bifreiðum
Mótmælendur kveiktu í nærliggjandi bifreiðum EPA-EFE/Andre Borges

Stuðningsmenn fráfarandi forseta Brasilíu, Jair Bolsonaro réðust á höfuðstöðvar brasilísku alríkislögreglunnar í gær. Þetta gerist í kjölfar þess að ósigur þess fyrrnefnda í liðnum forsetakosningum gegn Luiz Inácio „Lula“ da Silva var staðfestur.

Samkvæmt Reuters mátti sjá stuðningsfólk Bolsonaro klætt brasilískum fótboltatreyjum áreita lögreglu á staðnum. Í látunum hafi verið kveikt í nærliggjandi bifreiðum og hafi lögregla meðal annarra úrræða notast við táragas til að hafa hemil á mótmælendum.

Það sem sagt er hafa ýtt óeirðunum af stað er handtaka stuðningsmanns Bolsonaro á mánudag sem sakaður er um að hafa skipulagt „ofbeldisfullar andlýðræðislegar aðgerðir.“

Bolsonaro hefur enn ekki viðurkennt sigur Lula beint út. Þó virðast sumir stuðningsmenn Bolsonaro halda því fram að Lula hafi „stolið“ kosningunni og sigur hans sé ólögmætur.

Stuðningsmenn hans hafa einnig kallað eftir því að herafli sé beitt til þess að koma megi í veg fyrir að Lula taki við en sá nýkjörni á að taka við embætti þann 1. janúar næstkomandi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×