Innlent

Í­búar Ár­borgar spari vatn eftir elds­voða í raf­magns­skáp

Bjarki Sigurðsson skrifar
Eldsvoðinn varð í nótt.
Eldsvoðinn varð í nótt. Selfossveitur

Íbúar sveitarfélagsins Árborgar á Suðurlandi eru hvattir til þess að fara sparlega með vatn eftir að eldsvoði varð í rafmagnsskáp í borholu Selfossveitna í Þorleifskoti. 

Eldsvoðinn varð í nótt og er orkuöflun Árborgar nú verulega skert. Því var viðbragðsáætlun veitunnar virkjuð en hluti af henni er að íbúar hugi að síum enda hitaveitunnar og fari sparlega með vatn. 

Í tilkynningu á vef Árborgar er fólki gefin ráð hvernig má spara vatnið, til dæmis með því að spara kyndikostnað með því að gæta þess að gluggar séu ekki opnir og útidyr ekki látnar standa opnar lengur en þörf er á. 

Þá skipta stillingar ofna einnig máli og það hvort þeir séu byrgðir eða ekki, til dæmis með síðum gluggatjöldum eða húsgögnum. 

Heitir pottar eru talsvert þurftarfrekir á vatnið og gott að hafa í huga að fara sparlega með neysluvatn eins og við uppvösk, böð og sturtuferðir.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.