Jóladagatal Vísis: Næstum því jólalag með Sálinni Margrét Björk Jónsdóttir skrifar 1. desember 2022 07:00 Stefán Hilmarsson söngvari Sálarinnar hans Jóns míns syngur um dimman desember í ástarlaginu Okkar nótt. Kæru lesendur. Í dag er 1. desember eins og líklega hefur ekki farið fram hjá neinum. Dagurinn er merkilegur fyrir margar sakir, það er auðvitað fullveldisdagurinn og svona, en þetta er ekki síst merkisdagur vegna þess að nú fer Jóladagatal Vísis í loftið. Við ætlum að telja niður til jóla og gleðja lesendur með frábærri tónlist, einu lagi á dag, á hverjum degi til 24. desember. Ekki verða endilega um jólalög að ræða, þó mögulega kunni eitt og eitt að læðast með, heldur verður boðið upp á frábæra blöndu af hugljúfum tónum og hressari lögum til að koma okkur öllum í hárrétta gírinn. Þá er ekki eftir neinu að bíða og hér með kynnum við fyrsta lagið. Fyrsta lagið í Jóladagatali Vísis er Okkar nótt, með einni ástkærustu hljómsveit landsins, Sálinni hans Jóns míns. Lagið er af plötunni Hvar er draumurinn sem kom út árið 2008 en lagið er þó eldra. Óhætt er að segja að lagið hafi slegið rækilega í gegn á sínum tíma . Það var valið Lag ársins bæði á Íslensku tónlistarverðlaununum árið 2000 sem og á Hlustendaverðlaunum FM957, þar sem söngvari sveitarinnar, Stefán Hilmarsson var einnig kosinn söngvari ársins. Myndbandið við lagið er tekið upp á tónleikum Sálarinnar í Loftkastalanum, en þeir voru valdir Tónlistarviðburður ársins á áðurnefndum Íslensku tónlistarverðlaunum árið 2000. Þessi auglýsing birtist í DV 18.mars árið 2000. Sálin hans Jóns míns var sigursæl á Íslensku tónlistarverðlaununum það ár. Lagið er eitt af þessum lögum sem á vel við í öllum aðstæðum. Hvort sem það er heima við í rólegheitum, til að hlusta á í göngutúr, nú eða öskursyngja í karókí í góðra vina hópi. Textinn er sérstaklega fallegur. Í textanum kemur fram „..dimmur desember“, og því er næstum réttlætanlegt að kalla þetta jólalag. Ekki? Það er komið kvöld, kertið er að klárast virðist mér, ég er ennþá hér. Liggðu aftur, losaðu, ljúktu aftur augunum. Ekkert liggur á. Út´er fönnin köld, frosið allt og dimmur desember, Ég er ennþá hér. Húsið sefur, himnaljós varpa bjarma ´á blómarós, ekkert liggur á, Þetta ‘er okkar nótt, og okkar einu líf. Ég vil njóta hverrar mínútu með þér, ég vil hvísla nafnið þitt og hvíla hér. Sérhvert andartak er eilíft fyrir mér, útilokum allt…við ein. Það er eins og allt, einhvern veginn hefjist hér og nú, ástæðan ert þú. Leggðu hönd í lófa minn, langt ´í burt ´er dagurinn. Ekkert liggur á, þetta ´er okkar nótt, og okkar einu líf. Ég vil njóta hverrar mínutu með þér, ég vil hvísla nafnið þitt og hvíla hér. Sérhvert andartak er eilífð fyrir mér, og ég hugsa um ekkert annað eins og er Ég vil njóta hverrar mínútu með þér, ég vil hvísla nafnið þitt og hvíla hér Sérhvert andartak er eilífð fyrir mér Útilokum allt, við ein. Lag dagsins er Okkar nótt með Sálinni hans Jóns míns, en hvað verður það á morgun? Fylgist vel með á Vísi. Jóladagatal Vísis Tónlist Mest lesið „Kveiktum næstum í öllu sumarbústaðalandinu“ Lífið Óstundvísi Steina sögð kosta tugi milljóna dollara Lífið Sagan á bak við djarft listaverk Ásdísar Ránar Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Sjarmerandi og seiðandi á sjötugsaldri Lífið Engir palestínskir fánar í Eurovision-höllinni Lífið Mikið fjör á opnun kosningaskrifstofu Gnarr Lífið Gerða og glæsilegar gellur á Edition Lífið Eltihrellirinn í Baby Reindeer íhugar að leita réttar síns Bíó og sjónvarp Swing og hópkynlíf fyrir byrjendur! Lífið Fleiri fréttir Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira
Við ætlum að telja niður til jóla og gleðja lesendur með frábærri tónlist, einu lagi á dag, á hverjum degi til 24. desember. Ekki verða endilega um jólalög að ræða, þó mögulega kunni eitt og eitt að læðast með, heldur verður boðið upp á frábæra blöndu af hugljúfum tónum og hressari lögum til að koma okkur öllum í hárrétta gírinn. Þá er ekki eftir neinu að bíða og hér með kynnum við fyrsta lagið. Fyrsta lagið í Jóladagatali Vísis er Okkar nótt, með einni ástkærustu hljómsveit landsins, Sálinni hans Jóns míns. Lagið er af plötunni Hvar er draumurinn sem kom út árið 2008 en lagið er þó eldra. Óhætt er að segja að lagið hafi slegið rækilega í gegn á sínum tíma . Það var valið Lag ársins bæði á Íslensku tónlistarverðlaununum árið 2000 sem og á Hlustendaverðlaunum FM957, þar sem söngvari sveitarinnar, Stefán Hilmarsson var einnig kosinn söngvari ársins. Myndbandið við lagið er tekið upp á tónleikum Sálarinnar í Loftkastalanum, en þeir voru valdir Tónlistarviðburður ársins á áðurnefndum Íslensku tónlistarverðlaunum árið 2000. Þessi auglýsing birtist í DV 18.mars árið 2000. Sálin hans Jóns míns var sigursæl á Íslensku tónlistarverðlaununum það ár. Lagið er eitt af þessum lögum sem á vel við í öllum aðstæðum. Hvort sem það er heima við í rólegheitum, til að hlusta á í göngutúr, nú eða öskursyngja í karókí í góðra vina hópi. Textinn er sérstaklega fallegur. Í textanum kemur fram „..dimmur desember“, og því er næstum réttlætanlegt að kalla þetta jólalag. Ekki? Það er komið kvöld, kertið er að klárast virðist mér, ég er ennþá hér. Liggðu aftur, losaðu, ljúktu aftur augunum. Ekkert liggur á. Út´er fönnin köld, frosið allt og dimmur desember, Ég er ennþá hér. Húsið sefur, himnaljós varpa bjarma ´á blómarós, ekkert liggur á, Þetta ‘er okkar nótt, og okkar einu líf. Ég vil njóta hverrar mínútu með þér, ég vil hvísla nafnið þitt og hvíla hér. Sérhvert andartak er eilíft fyrir mér, útilokum allt…við ein. Það er eins og allt, einhvern veginn hefjist hér og nú, ástæðan ert þú. Leggðu hönd í lófa minn, langt ´í burt ´er dagurinn. Ekkert liggur á, þetta ´er okkar nótt, og okkar einu líf. Ég vil njóta hverrar mínutu með þér, ég vil hvísla nafnið þitt og hvíla hér. Sérhvert andartak er eilífð fyrir mér, og ég hugsa um ekkert annað eins og er Ég vil njóta hverrar mínútu með þér, ég vil hvísla nafnið þitt og hvíla hér Sérhvert andartak er eilífð fyrir mér Útilokum allt, við ein. Lag dagsins er Okkar nótt með Sálinni hans Jóns míns, en hvað verður það á morgun? Fylgist vel með á Vísi.
Jóladagatal Vísis Tónlist Mest lesið „Kveiktum næstum í öllu sumarbústaðalandinu“ Lífið Óstundvísi Steina sögð kosta tugi milljóna dollara Lífið Sagan á bak við djarft listaverk Ásdísar Ránar Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Sjarmerandi og seiðandi á sjötugsaldri Lífið Engir palestínskir fánar í Eurovision-höllinni Lífið Mikið fjör á opnun kosningaskrifstofu Gnarr Lífið Gerða og glæsilegar gellur á Edition Lífið Eltihrellirinn í Baby Reindeer íhugar að leita réttar síns Bíó og sjónvarp Swing og hópkynlíf fyrir byrjendur! Lífið Fleiri fréttir Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira