Reynt til þrautar að ná samningum á næstu dögum Heimir Már Pétursson skrifar 29. nóvember 2022 20:01 Vilhjálmur Birgisson formaður Starfsgreinasambandsins og Halldór Benjamín Þorbergsson styrktu sig með góðum kaffibolla áður en viðræður hófust í morgun. Stöð 2/Ívar Framkvæmdastjóri Samtaka atvinnulífsins segir að samningar við fjölmennustu stéttarfélögin hljóti að verða leiðandi í samningum við aðra um skammtíma kjarasamning. Hann og margir forystumanna verkalýðshreyfingarinnar stefna á að ljúka samningum fyrir mánaðamót en ekki er eining um að það geti tekist. Halldór Benjamín Þorbergsson framkvæmdastjóri Samtaka atvinnulífsins segir eðlilegt og mannlegt að snuðra geti hlaupið á þráðinn í flóknum viðræðum eins og gerðist í síðustu viku. „En hér erum við mætt. Það er þriðjudagsmorgun. Ég vænti þess að dagurinn í dag verði langur og vonandi verður vikan gjöful fyrir okkur öll. Enda skynja ég mjög sterkt ákall frá þjóðinni. Fólk vill fá vissu í sitt líf og vill ljúka kjarasamningum í aðdraganda jóla og ég tek undir það mat,“ sagði Halldór Benjamín í upphafi viðræðna í morgun. Já, sumir voru bjartsýnni en aðrir fyrir fundarlotuna í morgun en framkvæmdastjóri SA vildi lítið segja um kröfur Eflingar frá í morgun um að laun ásamt framfærslustyrk hækki um rúmar 70 þúsund krónur. Efling lagði í morgun fram óvænt tilboð til SA um skammtímasamning.Grafík/Sara Þá var Ragnar Þór Ingólfsson formaður VR, sem sleit formlegum viðræðum í síðustu viku, ekki jafn bjartsýnn á að hægt væri að ljúka samningum fyrir mánaðamót. „Ég held að það sé alveg útilokað miðað við þær hugmyndir sem ég hef heyrt frá SA. Ekki nema það sé einhver meiriháttar viðhorfsbreyting sem kemur fram núna á þessum fundi eða samtali næstu klukkutíma. Þá held ég að það sé í rauninni alveg útilokað,“ sagði Ragnar Þór sem þó var mættur vegna boðunar ríkissáttasemjara á fund í morgun. Ragnar Þór Ingólfsson formaður VR er ekki eins bjartsýnn og margir félaga hans innan verkalýðshreyfingarinnar á að samningar takist á næstu dögum.Vísir/Vilhelm Áður en sest var að samningaborðinu í morgun styrktu forystumenn ólíkra fylkinga, þeir Halldór Benjamín og Vilhjálmur Birgisson formaður Starfsgreinasambandsins, sig með kaffibolla en alvaran var samt ekki langt undan. „Þetta er bara verðugt verkefni. Ábyrgð okkar er mikil. Hún liggur í því að koma launahækkunum til okkar félagsmanna eins fljótt og hægt er. Ég tek þá ábyrgð af fullri alvöru,“ sagði formaður SGS. Þú myndir vilja að þitt fólk fengi kjarabætur fyrir jólahátíðina? „Að sjálfsögðu. Ég held að það skipti miklu máli að koma þessu hratt og vel inn. Það var markmiðið þegar við lögðum af stað í þessa vegferð, að ná að klára kjarasamningana fyrir mánaðamót,“ sagði Vilhjálmur. Kristján Þórður Snæbjarnarson forseti Alþýðusambandsins sem einnig fer fyrir viðræðum iðnaðarmanna er svipaðs sinnis. En ljóst er að til að ná þessu markmiði þarf fólk að hafa hröð handtök því 1. desember er á fimmtudaginn næst komandi. „Það er mjög brýnt að laun hækki sem allra fyrst vegna þess að fólk á í erfiðleikum með að ná endum saman. Álögur á heimilin í landinu hafa aukist töluvert mikið á undanförnum mánuðum og við því þarf að bregðast,“ segir Kristján Þórður. Kristján Þórður Snæbjarnarson forseti ASÍ (fyrir miðri mynd) sem einnig fer fyrir viðræðum iðnaðarmanna við SA, segir afar brýnt að koma kjarabótum sem fyrst til launafólks.Vísir/Vilhelm Áherslur einstakra félaga og kröfur eru mismunandi þannig að dæmið er flókið þótt samningsvilji sé til staðar. En yrðu samningar við VR og Starfsgreinasambandið leiðandi fyrir aðra? „Þetta er auðvitað lang stærsta samflotið sem við erum að tala við. Mér finnst bara rökrétt að gagnálykta sem svo,“ segir framkvæmdastjóri SA. Þá væru viðræður komnar vel á veg með iðnaðarmönnum. „Og markmið okkar er ekkert leyndarmál. Við viljum sitja hérna í dag og næstu daga með það að marki að klára þetta,“ sagði Halldór Benjamín Þorbergsson í upphafi samningafunda í morgun. Kjaraviðræður 2022 Kjaramál Ríkisstjórn Katrínar Jakobsdóttur Tengdar fréttir Stefnt á nýjan kjarasamning fyrir mánaðamót Forystumenn Starfsgreinasambandsins og Samtaka atvinnulífsins stefna að því að nýjum skammtímakjarasamningi verði lokið fyrir mánaðamót. Formaður VR, sem sleit viðræðum fyrir helgi, er ekki jafn bjartsýnn og telur tilboð Eflingar frá í morgun eðlilegt í ljósi stöðunnar. 29. nóvember 2022 12:17 Mest lesið Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent „Það kemur að því að við lendum í veseni“ Innlent Yfirgefið hreysi víkur fyrir hundrað íbúðum Innlent „Geta verið dauðsföll, þú veist ekkert hvað er í þessu“ Innlent Konan er fundin Innlent „Selir“ skutu óvopnaða borgara í leyniaðgerð í Norður-Kóreu Erlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Hefur sætt umsáturseinelti í 14 ár: „Þetta hefur bara rústað lífi mínu“ Innlent Fleiri fréttir Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Tveir á sjúkrahús eftir harðan árekstur Vegurinn yfir Kjöl gerir ferðalöngum lífið leitt Sjá meira
Halldór Benjamín Þorbergsson framkvæmdastjóri Samtaka atvinnulífsins segir eðlilegt og mannlegt að snuðra geti hlaupið á þráðinn í flóknum viðræðum eins og gerðist í síðustu viku. „En hér erum við mætt. Það er þriðjudagsmorgun. Ég vænti þess að dagurinn í dag verði langur og vonandi verður vikan gjöful fyrir okkur öll. Enda skynja ég mjög sterkt ákall frá þjóðinni. Fólk vill fá vissu í sitt líf og vill ljúka kjarasamningum í aðdraganda jóla og ég tek undir það mat,“ sagði Halldór Benjamín í upphafi viðræðna í morgun. Já, sumir voru bjartsýnni en aðrir fyrir fundarlotuna í morgun en framkvæmdastjóri SA vildi lítið segja um kröfur Eflingar frá í morgun um að laun ásamt framfærslustyrk hækki um rúmar 70 þúsund krónur. Efling lagði í morgun fram óvænt tilboð til SA um skammtímasamning.Grafík/Sara Þá var Ragnar Þór Ingólfsson formaður VR, sem sleit formlegum viðræðum í síðustu viku, ekki jafn bjartsýnn á að hægt væri að ljúka samningum fyrir mánaðamót. „Ég held að það sé alveg útilokað miðað við þær hugmyndir sem ég hef heyrt frá SA. Ekki nema það sé einhver meiriháttar viðhorfsbreyting sem kemur fram núna á þessum fundi eða samtali næstu klukkutíma. Þá held ég að það sé í rauninni alveg útilokað,“ sagði Ragnar Þór sem þó var mættur vegna boðunar ríkissáttasemjara á fund í morgun. Ragnar Þór Ingólfsson formaður VR er ekki eins bjartsýnn og margir félaga hans innan verkalýðshreyfingarinnar á að samningar takist á næstu dögum.Vísir/Vilhelm Áður en sest var að samningaborðinu í morgun styrktu forystumenn ólíkra fylkinga, þeir Halldór Benjamín og Vilhjálmur Birgisson formaður Starfsgreinasambandsins, sig með kaffibolla en alvaran var samt ekki langt undan. „Þetta er bara verðugt verkefni. Ábyrgð okkar er mikil. Hún liggur í því að koma launahækkunum til okkar félagsmanna eins fljótt og hægt er. Ég tek þá ábyrgð af fullri alvöru,“ sagði formaður SGS. Þú myndir vilja að þitt fólk fengi kjarabætur fyrir jólahátíðina? „Að sjálfsögðu. Ég held að það skipti miklu máli að koma þessu hratt og vel inn. Það var markmiðið þegar við lögðum af stað í þessa vegferð, að ná að klára kjarasamningana fyrir mánaðamót,“ sagði Vilhjálmur. Kristján Þórður Snæbjarnarson forseti Alþýðusambandsins sem einnig fer fyrir viðræðum iðnaðarmanna er svipaðs sinnis. En ljóst er að til að ná þessu markmiði þarf fólk að hafa hröð handtök því 1. desember er á fimmtudaginn næst komandi. „Það er mjög brýnt að laun hækki sem allra fyrst vegna þess að fólk á í erfiðleikum með að ná endum saman. Álögur á heimilin í landinu hafa aukist töluvert mikið á undanförnum mánuðum og við því þarf að bregðast,“ segir Kristján Þórður. Kristján Þórður Snæbjarnarson forseti ASÍ (fyrir miðri mynd) sem einnig fer fyrir viðræðum iðnaðarmanna við SA, segir afar brýnt að koma kjarabótum sem fyrst til launafólks.Vísir/Vilhelm Áherslur einstakra félaga og kröfur eru mismunandi þannig að dæmið er flókið þótt samningsvilji sé til staðar. En yrðu samningar við VR og Starfsgreinasambandið leiðandi fyrir aðra? „Þetta er auðvitað lang stærsta samflotið sem við erum að tala við. Mér finnst bara rökrétt að gagnálykta sem svo,“ segir framkvæmdastjóri SA. Þá væru viðræður komnar vel á veg með iðnaðarmönnum. „Og markmið okkar er ekkert leyndarmál. Við viljum sitja hérna í dag og næstu daga með það að marki að klára þetta,“ sagði Halldór Benjamín Þorbergsson í upphafi samningafunda í morgun.
Kjaraviðræður 2022 Kjaramál Ríkisstjórn Katrínar Jakobsdóttur Tengdar fréttir Stefnt á nýjan kjarasamning fyrir mánaðamót Forystumenn Starfsgreinasambandsins og Samtaka atvinnulífsins stefna að því að nýjum skammtímakjarasamningi verði lokið fyrir mánaðamót. Formaður VR, sem sleit viðræðum fyrir helgi, er ekki jafn bjartsýnn og telur tilboð Eflingar frá í morgun eðlilegt í ljósi stöðunnar. 29. nóvember 2022 12:17 Mest lesið Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent „Það kemur að því að við lendum í veseni“ Innlent Yfirgefið hreysi víkur fyrir hundrað íbúðum Innlent „Geta verið dauðsföll, þú veist ekkert hvað er í þessu“ Innlent Konan er fundin Innlent „Selir“ skutu óvopnaða borgara í leyniaðgerð í Norður-Kóreu Erlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Hefur sætt umsáturseinelti í 14 ár: „Þetta hefur bara rústað lífi mínu“ Innlent Fleiri fréttir Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Tveir á sjúkrahús eftir harðan árekstur Vegurinn yfir Kjöl gerir ferðalöngum lífið leitt Sjá meira
Stefnt á nýjan kjarasamning fyrir mánaðamót Forystumenn Starfsgreinasambandsins og Samtaka atvinnulífsins stefna að því að nýjum skammtímakjarasamningi verði lokið fyrir mánaðamót. Formaður VR, sem sleit viðræðum fyrir helgi, er ekki jafn bjartsýnn og telur tilboð Eflingar frá í morgun eðlilegt í ljósi stöðunnar. 29. nóvember 2022 12:17