Fótbolti

Nökkvi skaut Beerschot á toppinn

Hjörtur Leó Guðjónsson skrifar
Nökkvi Þeyr skaut Beerschot á topp belgísku B-deildarinnar.
Nökkvi Þeyr skaut Beerschot á topp belgísku B-deildarinnar. Beerschot

Nökkvi Þeyr Þórisson skoraði sigurmark Beerschot er liðið vann 2-1 sigur gegn Anderlecht U23 í belgísku B-deildinni í knattspyrnu í kvöld. Sigurinn skaut Nökkva og félögum á topp deildarinnar.

Það voru heimamenn í Anderlecht sem náðu forystunni með marki strax á tólftu mínútu leiksins, en Ryan Sanusi jafnaði metin fyrir Beerschot rúmum tuttugu mínútum síðar og staðan var því 1-1 þegar flautað var til hálfleiks.

Sigurmark leiksins kom svo eftir tæplega klukkutíma leik þegar Nökkvi Þeyr Þórisson kom boltanum í netið eftir stoðsendingu frá Leo Seydoux og niðurstaðan því 2-1 sigur Beerschot.

Nökkvi og félagar tróna nú á toppi belgísku B-deildarinnar með 29 stig eftir 15 leiki, einu stigi meira en Beveren sem situr í öðru sæti, en á leik til góða. Anderlecht situr hins vegar í fjórða sæti með 23 stig.




Fleiri fréttir

Sjá meira


×