Lífið

Mun færri konur fara nú aftur á ofbeldisheimilið

Sylvía Rut Sigfúsdóttir skrifar
Linda Dröfn Gunnarsdóttir framkvæmdastýra Kvennaathvarfsins.
Linda Dröfn Gunnarsdóttir framkvæmdastýra Kvennaathvarfsins. Vísir/Vilhelm

„Við leggjum af stað mjög hugaðar í þetta verkefni,“ segir Linda Dröfn Gunnarsdóttir framkvæmdastýra Kvennaathvarfsins.

Nú er í gangi landssöfnun fyrir nýju og hentugra húsnæði fyrir starfsemina, en þangað leita yfir 700 konur á ári eftir ráðgjöf og öruggu skjóli. Búið er að teikna hús og Kvennaathvarfið hefur fengið úthlutaðri lóð. Það þarf þó að fjármagna verkefnið svo það geti orðið að veruleika. 

„Við erum að veita viðtöl fyrir konur utan dvalar og þau hafa farið úr því að vera um 500 á ári fyrir fjórum árum í að vera núna 1200 á ári.“

Viðtölum í athvarfinu hefur fjölgað mikið síðustu ár og ljóst er að met verður slegið árið 2022.Stöð 2

Linda segir að til þess að ná að halda allri starfseminni á sama stað þurfi stærra húsnæði og svo þarf líka að hugsa um aðgengnismálin. Þetta er fyrsta húsnæðið sem verður byggt sérstaklega sem Kvennaathvarf á fjörtíu árunum síðan athvarfið var stofnað af hópi kvenna.

„Það sem er yndislegt við Kvennaathvarfið er að við hugsum í lausnum. Við erum hluti af lausninni.“

Færri konur í dag fara aftur inn á ofbeldisheimilið og telur Linda að það tengist því að þær hafa rými til þess að vinna úr sínum málum, eftir að verða fyrir ofbeldi í nánu sambandi. 

„Við horfum bjartsýnar fram á veginn.“

Drög að því hvernig nýja Kvennaathvarfið gæti litið út. Þar verður bæði neyðarúrræði fyrir konur og börn í dvöl og einnig aðstaða fyrir hópastarf, starfsfólk og viðtalsþjónustu fyrir konur utan dvalar.Gríma arkitektar

Viðtalið við Lindu má heyra í heild sinni í spilaranum hér fyrir neðan.  Söfnunarnúmerin eru enn opin og hægt er að horfa á þáttinn í heild sinni hér á Vísi og á Stöð 2+.

Klippa: Mjög bjartsýnar á að geta byggt nýtt Kvennaathvarf

Árlega leita yfir 700 konur til Kvennaathvarfsins í leit að ráðgjöf og öruggu skjóli. Sett hefur verið af stað söfnun fyrir stærra og hentugra húsnæði undir yfirskriftinni Saman byggjum við nýtt Kvennaathvarf. 

Söfnunarnúmerin eru opin til 30. nóvember og má sjá hér fyrir neðan: 

  • 907-1010- 1.000 krónur
  • 907-1030 -3.000 krónur
  • 907-1050-5.000 krónur

Söfnunarreikningur fyrir frjáls framlög:

Kennitala 410782 – 0229 - Reikningsnúmer 515-14-7700


Tengdar fréttir

„Þær taka valdið aftur í sínar hendur“

Gögn Kvennaathvarfsins eru ekki geymd undir nöfnum kvennanna sem þangað leita vegna ofbeldis í nánum samskiptum. Mikil áhersla er lögð á trúnað og eru konurnar ekki spurðar um nafn þess sem beitti þær ofbeldi. 

Þessi leigubílstjóri bjargaði lífi mínu

„Klukkan var fjögur um nótt. Leigubílstjórinn keyrði mig og ég hugsaði fyrst og fremst um að fara einhvert þar sem ég gæti farið að sofa.“

„Við vissum ekki hvort við myndum lifa þetta af“

„Meðan hann var í vinnunni þá var þetta allt í lagi, við nutum þess að vera saman. Við höfum alltaf verið mjög þétt fjölskylda þannig að tíminn sem við áttum saman á meðan hann var í vinnu var mjög ljúfur. Svo var það skýið sem kom í kringum hálf fjögur og helgarnar sem voru bara martröð“






Fleiri fréttir

Sjá meira


×