Varðstjóri hjá Slökkviliðinu á höfuðborgarsvæðinu staðfestir þetta í samtali við fréttastofu. Þeim slasaða hefur verið komið í sjúkrabíl og ekið á bráðamóttöku Landspítalans.
Í samtali við fréttastofu segir Guðmundur Páll Jónsson, lögreglufulltrúi hjá lögreglunni á höfuðborgarsvæðinu, að um alvarlegt slys sé að ræða. Ekki sé hægt að veita frekari upplýsingar um málið en sem komið er.
Lokað hefur verið fyrir umferð norður um Kringlumýrarbraut á meðan tæknideild lögreglunnar er að störfum.
Fréttin hefur verið uppfærð.
