Hallmark hringir inn jólin Stöð 2 18. nóvember 2022 08:30 Stöð 2 sýnir rjómann af Hallmark-jólamyndum fram að jólum Hver elskar ekki velgjulega væmnar sjónvarpsmyndir þar sem allt fer á besta veg að lokum? Auðvitað eru einhverjir skröggar þarna úti sem vilja ekkert af slíku vita en aðdragandi jóla er gósentíð fyrir okkur hin þegar hinar ástsælu Hallmark-jólamyndir fara að birtast á Stöð 2 og Stöð 2+ og í augum margra eru þær jafn nauðsynlegar um jólin og malt og appelsín, hálfmánar með sveskjusultu og frómasinn hennar ömmu. Upphafið Bandaríska kapalstöðin Hallmark Channel birtist fyrst í loftinu árið 2001. Stöðin hafði reyndar verið í loftinu undir nokkrum öðrum nöfnum í allmörg ár fram að því en áherslan hafði verið lögð á kaup og framleiðslu fjölskylduvæns efnis í formi sjónvarpsmynda og stuttra þáttaraða. Efnistökin voru af öllum toga, allt frá glæparáðgátum og spjallþáttum til gæludýraþátta og vestra. Vinsældir jukust og brátt var systurstöðin Hallmark Movie Channel kynnt til leiks. Auk árlegra nýrra mynda og þátta ganga fjölmargar eldri mynda- og þáttaraðir þar enn þann dag í dag en ein ástsælasta hefð Hallmark er árleg niðurtalning stöðvanna til jóla. Formúla sem virkar Hefðin hófst 2009 og hefur vaxið æ síðan. Frá byrjun október til loka desember birtist jólatengt efni á stöðvunum og hæst bera flunkunýjar, sykursætar jólamyndir sem margar hverjar skarta hinum ýmsu stjörnum úr bandarísku sjónvarpi. Og aðdráttaraflið er orðið þannig í dag að þekkt nöfn úr kvikmyndaiðnaðinum birtast jafnvel í stöku mynd. Megininntak flestra myndanna er oftar en ekki svipað, einmana einstaklingur, önnum kafinn í góðri stöðu eða einmana nýaðfluttur einstaklingur í smábæ, kynnist hjartahlýju og manngæsku í faðmi samstarfsfélaga eða bæjarbúa og fagnar með þeim jólunum sem aldrei fyrr. Með puttann á púlsinum Þó hefur Hallmark stundum seilst í málefni líðandi stundar eins og myndinni „The Christmas House“ frá 2020 sem fjallar um samkynhneigt par og baráttu þess við að fá að ættleiða barn. En þótt formúlan sé oft sú sama, og hvers vegna að laga eitthvað sem ekki er bilað, þykja auðvitað nokkrar myndir betri en aðrar. Aðdáendur þessara mynda virðast flestir sammála um að þar sé „A Royal Christmas“ frá 2014 fremst meðal jafningja. Þar kemst söguhetjan Emily óvænt að því að kærastinn hennar, Leo, sé í raun konungborinn og einkaerfingi ríkisins Cordiníu. Auðvitað fær hans fyrrverandi svo boð í konunglega jólaboðið frá sjálfri drottningunni, Ísabellu, með tilheyrandi drama. Kunnuglegt stef en allt fer þó vel að lokum, skárra væri það nú… Aðdáendahópurinn stækkar Undanfarin ár hefur Stöð 2 verið heimili þessara jólamynda og aðdáendahópurinn stækkar sífellt. Hann er jafnvel svo eldheitur að myndirnar fá umtalsvert áhorf allan ársins hring og fögnuðurinn mikill þegar nýjar myndir bætast í sarpinn. Hallmark-jólamyndirnar eru nú víst orðnar í kringum 200 talsins og eru vinsælli en nokkurn tíma. Í ár frumsýnir Hallmark td. hvorki fleiri né færri en 39 jólatengdar sjónvarpsmyndir og mas. eina Hanukkah-mynd. Niðurtalningin hafin Líkt og fyrri ár sýnir Stöð 2 rjómann af Hallmark-jólamyndum fram að jólum og myndir eins og „Christmas Sail“, „Christmas in Harmony“, „One December Night“ og „A Timeless Christmas“ ættu að ná að kalla hinn sanna jólaanda yfir hvaða forpokaða Ebenezer sem er. Og fyrir þá sem geta ekki staðist þá freistingu að gægjast í pakkann er stór hluti þessara mynda þegar aðgengilegur inni á Stöð 2+. Og hvort sem Hallmark-jólamyndirnar eru trúarbrögð eða sakbitin sæla er alveg ljóst að jólaniðurtalningin er hafin á Stöð 2 og Stöð 2+. Jól Bíó og sjónvarp Mest lesið Hugsar oft til fyrstu ástarinnar vegna ástandsins í Íran Lífið Gallstasi á meðgöngu: „Ég grátbað um að ég yrði sett af stað“ Áskorun Þórdís Lóa um Júró-umfjöllun: „Hvers vegna þessi þögn?“ Lífið Fjölmennt í framboðsteiti Arnars Þórs í Iðnó Lífið „Það er einmanalegt að missa móður“ Lífið Ætlar hvorki að hætta að vinna né opna kaffihús Lífið „Spurði hversu mörgum stelpum hann væri búin að senda þessa línu“ Makamál Strangheiðarleg dreifbýlistútta og lopapeysan í uppáhaldi Tíska og hönnun Trúlofuðust á gjörgæslunni eftir bílslys á Íslandi Lífið Hvetur fólk til að nota sólarvörn eftir krabbameinsgreiningu Lífið Fleiri fréttir Taktu þátt í spennandi vorleik á Vísi Fermingargjöf sem lifir um ókomin ár 10 ár af matargleði: Eldum rétt býður í milljón króna ferðalag ILVA tilnefnt til hönnunarverðlauna Bo Bedre Karlmannsnærbuxurnar sem eru að gera allt vitlaust Taktu þátt í skemmtilegum sumarleik! Metum hvort við viljum breyta góðri sögu með sannleika Virkilega spennandi lokamót framundan Hanna draumareitinn fyrir sumarið Fyrstur Íslendinga að keppa í SkyRunning World Series DONE gæinn, markaðsmaður ársins? Brúðkaupsdansinn er einn af hápunktum brúðkaupsins Ný viðbót frá NIVEA dregur úr sýnileika húðslita og litabletta Sætu sænsku vörurnar sem farnar eru á flug um allan heim „Probi Female er það eina sem hefur virkað fyrir mig“ SENSAI í Hagkaup í 30 ár Minnkar kláða og ertingu í húð barnsins „Hárið á mér síkkar bókstaflega á hraða ljóssins“ Taktu þátt í BabyShowerleik Vísis Réttu hlaupafötin fyrir íslenskt „vor“ Góðgerlar sem styðja við þyngdarstjórnun og jafnari blóðsykur Njótum þess að borða það sem við elskum yfir hátíðarnar Sælgætisgerð sem byggir á íslenskri bjartsýni Leiðir gönguhópa um Ítalíu - hreyfiferðir Bændaferða njóta mikilla vinsælda Náttúruleg og ljómandi fermingarförðun Fermingargjöfin sem stenst tímans tönn Grunur um byrlun? Umhverfisvænar hárvörur sem hafa slegið í gegn Átti að hætta að æfa vegna skemmda í brjóski Snabbi og Bísamrottan eru nýjustu meðlimir Múmínkrúsanna Sjá meira
Upphafið Bandaríska kapalstöðin Hallmark Channel birtist fyrst í loftinu árið 2001. Stöðin hafði reyndar verið í loftinu undir nokkrum öðrum nöfnum í allmörg ár fram að því en áherslan hafði verið lögð á kaup og framleiðslu fjölskylduvæns efnis í formi sjónvarpsmynda og stuttra þáttaraða. Efnistökin voru af öllum toga, allt frá glæparáðgátum og spjallþáttum til gæludýraþátta og vestra. Vinsældir jukust og brátt var systurstöðin Hallmark Movie Channel kynnt til leiks. Auk árlegra nýrra mynda og þátta ganga fjölmargar eldri mynda- og þáttaraðir þar enn þann dag í dag en ein ástsælasta hefð Hallmark er árleg niðurtalning stöðvanna til jóla. Formúla sem virkar Hefðin hófst 2009 og hefur vaxið æ síðan. Frá byrjun október til loka desember birtist jólatengt efni á stöðvunum og hæst bera flunkunýjar, sykursætar jólamyndir sem margar hverjar skarta hinum ýmsu stjörnum úr bandarísku sjónvarpi. Og aðdráttaraflið er orðið þannig í dag að þekkt nöfn úr kvikmyndaiðnaðinum birtast jafnvel í stöku mynd. Megininntak flestra myndanna er oftar en ekki svipað, einmana einstaklingur, önnum kafinn í góðri stöðu eða einmana nýaðfluttur einstaklingur í smábæ, kynnist hjartahlýju og manngæsku í faðmi samstarfsfélaga eða bæjarbúa og fagnar með þeim jólunum sem aldrei fyrr. Með puttann á púlsinum Þó hefur Hallmark stundum seilst í málefni líðandi stundar eins og myndinni „The Christmas House“ frá 2020 sem fjallar um samkynhneigt par og baráttu þess við að fá að ættleiða barn. En þótt formúlan sé oft sú sama, og hvers vegna að laga eitthvað sem ekki er bilað, þykja auðvitað nokkrar myndir betri en aðrar. Aðdáendur þessara mynda virðast flestir sammála um að þar sé „A Royal Christmas“ frá 2014 fremst meðal jafningja. Þar kemst söguhetjan Emily óvænt að því að kærastinn hennar, Leo, sé í raun konungborinn og einkaerfingi ríkisins Cordiníu. Auðvitað fær hans fyrrverandi svo boð í konunglega jólaboðið frá sjálfri drottningunni, Ísabellu, með tilheyrandi drama. Kunnuglegt stef en allt fer þó vel að lokum, skárra væri það nú… Aðdáendahópurinn stækkar Undanfarin ár hefur Stöð 2 verið heimili þessara jólamynda og aðdáendahópurinn stækkar sífellt. Hann er jafnvel svo eldheitur að myndirnar fá umtalsvert áhorf allan ársins hring og fögnuðurinn mikill þegar nýjar myndir bætast í sarpinn. Hallmark-jólamyndirnar eru nú víst orðnar í kringum 200 talsins og eru vinsælli en nokkurn tíma. Í ár frumsýnir Hallmark td. hvorki fleiri né færri en 39 jólatengdar sjónvarpsmyndir og mas. eina Hanukkah-mynd. Niðurtalningin hafin Líkt og fyrri ár sýnir Stöð 2 rjómann af Hallmark-jólamyndum fram að jólum og myndir eins og „Christmas Sail“, „Christmas in Harmony“, „One December Night“ og „A Timeless Christmas“ ættu að ná að kalla hinn sanna jólaanda yfir hvaða forpokaða Ebenezer sem er. Og fyrir þá sem geta ekki staðist þá freistingu að gægjast í pakkann er stór hluti þessara mynda þegar aðgengilegur inni á Stöð 2+. Og hvort sem Hallmark-jólamyndirnar eru trúarbrögð eða sakbitin sæla er alveg ljóst að jólaniðurtalningin er hafin á Stöð 2 og Stöð 2+.
Jól Bíó og sjónvarp Mest lesið Hugsar oft til fyrstu ástarinnar vegna ástandsins í Íran Lífið Gallstasi á meðgöngu: „Ég grátbað um að ég yrði sett af stað“ Áskorun Þórdís Lóa um Júró-umfjöllun: „Hvers vegna þessi þögn?“ Lífið Fjölmennt í framboðsteiti Arnars Þórs í Iðnó Lífið „Það er einmanalegt að missa móður“ Lífið Ætlar hvorki að hætta að vinna né opna kaffihús Lífið „Spurði hversu mörgum stelpum hann væri búin að senda þessa línu“ Makamál Strangheiðarleg dreifbýlistútta og lopapeysan í uppáhaldi Tíska og hönnun Trúlofuðust á gjörgæslunni eftir bílslys á Íslandi Lífið Hvetur fólk til að nota sólarvörn eftir krabbameinsgreiningu Lífið Fleiri fréttir Taktu þátt í spennandi vorleik á Vísi Fermingargjöf sem lifir um ókomin ár 10 ár af matargleði: Eldum rétt býður í milljón króna ferðalag ILVA tilnefnt til hönnunarverðlauna Bo Bedre Karlmannsnærbuxurnar sem eru að gera allt vitlaust Taktu þátt í skemmtilegum sumarleik! Metum hvort við viljum breyta góðri sögu með sannleika Virkilega spennandi lokamót framundan Hanna draumareitinn fyrir sumarið Fyrstur Íslendinga að keppa í SkyRunning World Series DONE gæinn, markaðsmaður ársins? Brúðkaupsdansinn er einn af hápunktum brúðkaupsins Ný viðbót frá NIVEA dregur úr sýnileika húðslita og litabletta Sætu sænsku vörurnar sem farnar eru á flug um allan heim „Probi Female er það eina sem hefur virkað fyrir mig“ SENSAI í Hagkaup í 30 ár Minnkar kláða og ertingu í húð barnsins „Hárið á mér síkkar bókstaflega á hraða ljóssins“ Taktu þátt í BabyShowerleik Vísis Réttu hlaupafötin fyrir íslenskt „vor“ Góðgerlar sem styðja við þyngdarstjórnun og jafnari blóðsykur Njótum þess að borða það sem við elskum yfir hátíðarnar Sælgætisgerð sem byggir á íslenskri bjartsýni Leiðir gönguhópa um Ítalíu - hreyfiferðir Bændaferða njóta mikilla vinsælda Náttúruleg og ljómandi fermingarförðun Fermingargjöfin sem stenst tímans tönn Grunur um byrlun? Umhverfisvænar hárvörur sem hafa slegið í gegn Átti að hætta að æfa vegna skemmda í brjóski Snabbi og Bísamrottan eru nýjustu meðlimir Múmínkrúsanna Sjá meira