Innlent

Bíll lenti í aur­skriðu á Greni­víkur­vegi

Atli Ísleifsson skrifar
Myndin er tekin klukkan 5:53 í morgun.
Myndin er tekin klukkan 5:53 í morgun. Vegagerðin

Aurskriða féll á veginn við Fagrabæ í Grýtubakkahreppi í grennd við Grenivík snemma í morgun.

Bíll var á veginum þegar skriðan féll og lenti hann í henni miðri og endaði utan vegar.

Í tilkynningu frá lögreglunni á Norðurlandi eystra segir að í bílnum hafi verið ökumaður, auk tveggja farþega. Engan þeirra mun þó hafa sakað en það var ökumaður sem tilkynnti um skriðuna. Búið er að flytja fólkið til Akureyrar. 

„Það er erfitt að meta umfang skriðunnar í myrkrinu en við fyrstu sýn áætluðu lögreglumenn að hún gæti náð yfir 50-70 metra kafla á veginum og gæti verið allt að meters þykk.“

Upplýsingar um skriðuna bárust klukkan 5:43, en hjáleið er nú um Dalsmynni.

Grýtubakkahreppur Umferð Almannavarnir Lögreglumál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið