Innlent

Flutninga­skip situr fast við Horna­fjörð

Bjarki Sigurðsson skrifar
Beðið er eftir flóði svo skipið losni.
Beðið er eftir flóði svo skipið losni. Sigurjón Andrésson

Barbadoska flutningaskipið Wilson Dublin situr nú fast í innsiglingunni við Hornafjörð. Litlar líkur eru á að skipið hafi orðið fyrir skemmdum en það á að losna þegar fer að flæða í kvöld.

Sigurjón Andrésson, bæjarstjóri sveitarfélagsins Hornafjarðar, birti í dag myndband á Facebook-síðu sinni af skipinu þar sem það situr fast. Hann segir skipið vera lestað með rúmum þrjú þúsund tonnum af perlumöl frá Austurfjörutanga. Skipið var á leið til Rotterdam með farminn.

Í Facebook-færslu Sigurjóns má sjá myndband af skipinu sem hann tók sjálfur og birti. Í samtali við fréttastofu segir Vignir Júlíusson, forstöðumaður Hornafjarðarhafnar, að nú sé bara að bíða. 

„Það situr þarna á sandbotni og við erum bara að bíða eftir flóði svo það losni. Það er engin hætta,“ segir Vignir. 

Hafnarmál Sveitarfélagið Hornafjörður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið