Neytendur

Hætta fram­leiðslu á Svala

Bjarki Sigurðsson skrifar
Svali mun kveðja um áramótin.
Svali mun kveðja um áramótin.

Framleiðsla og sala á Svala mun hætta um áramótin. Svali hefur verið einn vinsælasti drykkur landsins í yfir fjörutíu ár. 

Undanfarið hefur mikil vinna verið lögð í að endurmóta vöruframboð The Coca-Cola Company á heimsvísu og er það stefna fyrirtækisins að einbeita sér að þeim vörumerkjum sem eru hvað vinsælust. Því ætlar fyrirtækið að hætta framleiðslu á safafernunum Svala.

Hér má sjá Svala-auglýsingar sem gerðar voru með Jóni Páli Sigmarssyni.

Klippa: Auglýsingar fyrir Svala með Jóni Páli Sigmarssyni

„Við höfum átt farsæla áratugi í fylgd Svala en hann er engu að síður barn síns tíma og við erum á annarri vegferð í dag. Kröfur neytenda og smekkur fólks þróast í sífellu og samhliða því þurfum við að fara yfir árangur og stöðu vörumerkja okkar reglulega,“ er haft eftir Einari Snorra Magnússyni, forstjóra Coca-Cola á Íslandi, í tilkynningu. 

Með þessu ætlar fyrirtækið að styrkja þau vörumerki sem eftir eru, skapa rými fyrir nýsköpun og vera betur í stakk búin til að bregðast við þörfum viðskiptavina. 

„Við kveðjum því Svala að svo búnu og þökkum honum samfylgdina!“ segir Einar.

Hér eru fleiri auglýsingar. Í einni þeirra var HLH-flokkurinn fenginn til að aðstoða.

Klippa: Auglýsingar fyrir Svala

Tengdar fréttir

Trópí fyrir bí

Ávaxtasafavörumerkið Trópí, sem hefur fylgt Íslendingum frá árinu 1973, hefur vikið fyrir hinu alþjóðlega Minute Maid.

Klói er orðinn köttaður

Uppskriftin af Kókómjólkinni er þó alltaf sú sama, þrátt fyrir að upplýsingar um næringainnihald hafi breyst.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×