Neðanjarðarlest er raunhæfur kostur á höfuðborgarsvæðinu

Heimir Már Pétursson skrifar 3. nóvember 2022 19:31

Þetta hefur í hnotskurn verið umræðan um möguleika á neðanjarðarlestarkerfi á höfuðborgarsvæðinu. Grafík/Rúnar

Varaformaður umhverfis- og skipulagsráðs borgarinnar telur raunhæft að leggja neðanjarðarlestarkerfi á höfuðborgarsvæðinu í náinni framtíð. Kostir þess væru margir og kostnaðurinn ekki óyfirstíganlegur.

Fjölgun íbúa áhöfuðborgarsvæðinu, þétting byggðar og um tvær milljónir ferðamanna á ári hefur kallað á nýjar lausnir í samgöngumálum á höfuðborgarsvæðinu. Umferðamannvirki rúma ekki aukna umferð og loftslagsbreytingarnar kalla á nýjar lausnir.

Úr kvöldfréttum Stöðvar 2:

Þess vegna kannski á nú að setja um 120 milljarða í samgöngusáttmála ríkis og sveitarfélaga á höfuðborgarsvæðinu um uppbyggingu borgarlínu og annarra samgönguinnviða. En almættið hjálpi þeim sem minnist á neðanjarðarlestarkerfi, sú umræða er yfirleitt fljótafgreidd svona:

Pawel Bartoszek varaformaður umhverfis- og skipulagsráðs borgarinnar rauf loks þagnarmúrinn með grein í Fréttablaðinu nýlega. Þar lýsir hann upplifun sinni af nýju neðanjarðarlestarkerfi í ítölsku borginni Brescia þar sem búa um 200 þúsund manns.

Nýjasta neðanjarðarlestarkerfi er í Brescia á norður Ítalíu. Það kostaði er 14 kílómetra langt og kostaði 120 milljarða.Getty

„Þeir byggðu sitt kerfi sem er tæpir fjórtán kílómetrar með sautján stöðvum. Þetta er borg sem er svipuð að stærð og mannfjölda og höfuðborgarsvæðið. Þannig að þetta er orðið eitthvað sem er algerlega raunhæft,“ segir Pawel.

Nýjasta neðanjarðarlestarkerfið í Evrópu er í Brescia á Ítalíu og er 14 kílómetra langt. Jafn langt og það er frá Hörpu að Egilshöll.Grafík/Hjalti

Vegalengdin sem Pawel nefnir er svipuð og er á milli Hörpu í miðborginni og Egilshallar í Grafarvogi. Hann segir nýja neðanjarðarlestarkerfið í Brescia hafa kostað um 130 milljarða króna.

Pawel Bartoszek varaborgarfulltrúi Viðreisnar og varaformaður umhverfis- og skipulagsráðs telur neðanjarðarlest vera eftirsóknarverðan kost á höfuðborgarsvæðinu.Stöð 2/Arnar

„Til samanburðar er heildarkostnaður samgöngusáttmálans 120 milljarðar. Sundabraut í sundagöngum yrði um það bil 60 milljarðar. Þannig að aftur; þetta yrðu dýrar lausnir en þetta er ekki eitthvað sem við höfum ekki séð þegar kemur að samgöngu umræðum á Íslandi,“segir Pawel.

Kostirnir við neðanjarðarlestarkerfi væru margir, til dæmis vegna veðráttunnar.

„Þá væri mikill fengur að geta labbað niður í stöð og tekið síðan hlýja lest á áfangastað. Við erum með aðgang að orku sem er auðvelt að nýta í lestir. Þetta er bara leyst vandamál hvernig lestir eru keyrðar áfram á rafmagni. Ekki jafn leyst vandamál þegar kemur að strætisvögnum eða bílum,“ segir Pawel.

Þetta kæmi ekki í stað borgarlínu en hugsa þyrfti lengra fram í tímann.

„Því hugmynd sem var fáránleg fyrir 50 árum er ekki lengur fáránleg. Hún er dýr en hún er djörf,“ segir Pawel Bartoszek varaborgarfulltrúi Viðreisnar.

Reykjavík Borgarlína Samgöngur

Tengdar fréttir

„Þetta var algjör hörmung“

Samgönguverkfræðingur segir ekkert því til fyrirstöðu að á höfuðborgarsvæðinu verði til almenningssamgöngur á pari við þær sem finna má í borgum á borð við Lundúnir og Kaupmannahöfn - en halda þurfi rétt á spöðunum. Fréttastofa tók snúning á samgöngumálunum og ræddi við ferðamenn, sem sögðu farir sínar ekki sléttar af Strætó.

31. október 2022 09:00

Stórum áfanga náð í Borgarlínuverkefninu í dag

Borgaryfirvöld segja að stórum áfanga hafi verið náð í Borgarlínuverkefnunu í dag þegar samkomulag náðist um afnot af lóð Barnavinarfélags Sumargjafar. Formaður félagsins segir að á móti ætli borgin að reisa nýjan leikskóla á lóðinni.

22. ágúst 2022 21:00

Létt yfir Lækjargötu eftir niðurrif

Það hefur létt mikið yfir Lækjargötunni eftir að svört grindverk og hindranir voru fjarlægðar. Gatan á hins vegar eftir að taka enn meiri stakkaskiptum á komandi árum þegar fyrsta áfanga borgarlínu verður lokið.

23. júní 2022 19:45

Vonast eftir hraðri uppbyggingu á kjörtímabilinu

Oddvitar Framsóknarflokksins og Viðreisnar eru bjartsýnir á að framkvæmdir við nýjar íbúðir og Sundabraut geti farið hratt af stað á kjörtímabilinu. Nýr meirihluti sé einhuga um að drífa Sundabraut áfram.

7. júní 2022 11:03

Borgarlína mikilvægari en borgarstjórastóllinn

Dagur B. Eggertsson segir það skipta sig meira máli að tryggja framgang lykilverkefna á borð við Borgarlínu en að vera borgarstjóri. Tilkynnt var í dag að Einar Þorsteinsson, oddviti Framsóknar, myndi taka við borgarstjórastólnum eftir átján mánuði og gegna embættinu meirihluta kjörtímabilsins.

6. júní 2022 19:21

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.