Tónlist

Tónleikaröðin Bylgjan órafmögnuð snýr aftur

Sylvía Rut Sigfúsdóttir skrifar
Vala Eiríks og Jón Jónsson.
Vala Eiríks og Jón Jónsson. Vísir/Rakel Rún

Á morgun fer aftur af stað tónleikaröðin Bylgjan órafmögnuð á Bylgjunni, Vísi og sjónvarpsstöðinni Stöð 2 Vísi. Fyrstu tónleikarnir eru á dagskrá 3. nóvember og er það tónlistarmaðurinn Jón Jónsson sem stígur fyrstur á svið. 

Tónleikarnir Bylgjan órafmögnuð eru á dagskrá næstu fimmtudagskvöld kl 20:00 á Bylgjunni og Stöð2 Vísi. Fram koma Jón Jónsson, Mugison, Bjartmar Guðlaugs og Bergrisarnir, Sycamore Tree, GDRN og Magnús Jóhann, Björgvinn Halldórs, Svala og Krummi. 

„Nú erum við að gera þetta í annað sinn. Þetta heppnaðist alveg ótrúlega vel síðast, að vísu vorum við í miðjum takmörkunum vegna heimsfaraldurs en núna vorum við í Bæjarbíói með stútfullan sal af fólki,“ segir Ívar Guðmunds dagskrárstjóri Bylgjunnar í samtali við Lífið. 

Búið er að taka upp alla tónleikana og segir Ívar að það hafi verið frábært að gera það með áhorfendur í þetta skiptið.

„Þetta var samt svo náið. Þetta er eiginlega eins og að vera með lifandi útvarpsþátt. Vala Eiríks er á sviðinu með hljóðnema og talar við tónlistarfólk á milli laga.“

Hér fyrir neðan má sjá dagskrá tónleikaraðarinnar. 

3. nóvember: Jón Jónsson

Jón Jónsson er á dagskrá 3. nóvember.Vísir/Rakel Rún



10. nóvember: Mugison

Mugison kemur fram 10. nóvember.Vísir/Rakel Rún



17. nóvember: Bjartmar Guðlaugs og Bergrisarnir

Bjartmar kemur fram 17. nóvember.Vísir/Rakel Rún



24. nóvember: Sycamore Tree

Sycamore Tree koma fram 24. nóvember.Vísir/Rakel Rún



1. desember: GDRN og Magnús Jóhann

GDRN og Magnús Jóhann koma fram 1. desember.Vísir/Rakel Rún



8. desember: Björgvin Halldórs, Svala og Krummi

Björgvin Halldórs, Svala og Krummi koma fram ásamt gestum 8. desember.Vísir/Rakel Rún
Bylgjan Tónlist Bylgjan órafmögnuð


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.