Innlent

Sinnti ekki stöðvunar­merkjum og ók á lög­reglu­bif­reið

Hólmfríður Gísladóttir skrifar
Lögreglubifreið skemmdist við eftirför í nótt.
Lögreglubifreið skemmdist við eftirför í nótt. Vísir/Vilhelm

Lögregla á höfuðborgarsvæðinu fór eftirför á eftir bifreið í nótt þegar ökumaður sinnti ekki stöðvunarmerkjum. Í stuttum eltingaleik var meðal annars ekið á lögreglubifreið, segir í tilkynningu. 

Tveir voru í bifreiðinni og voru báðir handteknir. Ökumaðurinn er grunaður um akstur undir áhrifum.

Í tveimur hverfum borgarinnar var óskað eftir aðstoð lögreglu vegna einstaklinga sem sváfu ölvunarsvefni í stigahúsum fjölbýlishúsa. Báðir voru vaktir og fóru sína leið eftir það.

Þá var tilkynnt um innbrot í póstnúmerinu 110 og um þjófnað í verslunarmiðstöð í 103.

Ein tilkynning barst um að eldur hefði kviknað í húsnæði en þar reyndist loga í pappakössum. Íbúar slökktu eldinn sjálfir og var lítið tjón eftir hann.

Lögreglumál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið