Erlent

Tæplega tvö hundruð sluppu ómeidd úr flugslysi

Hallgerður Kolbrún E. Jónsdóttir skrifar
Vélin skemmdist nokkuð í brotlendingunni en allir um borð sluppu ómeiddir.
Vélin skemmdist nokkuð í brotlendingunni en allir um borð sluppu ómeiddir. AP Photo/Juan Carlo De Vela

Tæplega tvö hundruð sluppu ómeidd eftir að flugvél sem þau voru um borð í brotlenti á flugvelli á Filippseyjum. Flugstjórarnir höfðu gert tvær tilraunir til að lenda vélinni áður en það loks tókst en þá lenti vélin út af flugbrautinni og skemmdist.

162 farþegar voru um borð í Korean Air flugvélinni og ellefu starfsmenn. Allir komust út úr vélinni stuttu eftir brotlendinguna og allir ómeiddir. Tugum fluga hefur nú verið aflýst til og frá Mactan-Cebu alþjóðaflugvellinum en brotlendingin varð við endann á einu nothæfu flugbraut vallarins. Vélin brotlenti í gærkvöldi en flakið liggur enn á flugbrautinni. 

Forstjóri Korean Air hefur beðist afsökunar á atvikinu og heitið því að flugfélagið geri allt sem er í valdi þess til að koma í veg fyrir að eitthvað þessu líkt komi fyrir aftur. 

Samkvæmt frétt AP um málið skrapaðist undan framhlið flugvélarinnar þannig að op myndaðist og nef hennar er mikið skemmt. Flugvélin liggur eins og áður segir mikið skemmd í grasbala við enda flugbrautarinnar og neyðarrennibrautir uppblásnar við útgangana. 

Að sögn filippseyskra yfirvdala verður flugvélin tæmd af eldsneyti áður en tilraunir verða gerðar til að fjarlægja hana af flugbrautinni. Þá er verið að athuga hvort öruggt sé fyrir aðrar flugvélar til að ferðast um völlinn á meðan flugvélin er enn föst við flugbrautina. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.