Stormasamt samband litað af neyslu fíkniefna Kolbeinn Tumi Daðason skrifar 4. október 2022 14:53 Tæknideild lögreglunnar á höfuðborgarsvæðinu aðstoðaði við rannsókn á vettvangi á Ólafsfirði í gær. Vísir Kona á fertugsaldri er meðal þriggja sem sæta gæsluvarðhaldi grunuð um aðild að manndrápi á Ólafsfirði aðfaranótt mánudags. Hinn látni, karlmaður á fimmtugsaldri, er eiginmaður konunnar. Samkvæmt heimildum fréttastofu höfðu þau átt í stormasömu sambandi. Samfélagið á Ólafsfirði er slegið eftir að atburðina í fyrri nótt. Þá brugðust lögreglumenn og sjúkraliðar við ósk um aðstoð í fjölbýlishúsi við Ólafsveg. Endurlífgunartilraunir voru hafnar á vettvangi þegar fyrstu lögreglumenn mættu á vettvang. Þær tilraunir báru ekki árangur og var karlmaðurinn úrskurðaður látinn á vettvangi. Fjögur voru handtekin og þrjú úrskurðuð í gæsluvarðhald í gærkvöldi vegna rannsóknar lögreglu á málinu. Lögregla heldur þétt að sér spilunum við rannsókn málsins og lítið vilja gefa upp. Höfðu verið gift í innan við ár Samkvæmt heimildum fréttastofu er hinn látni 46 ára karlmaður búsettur á Ólafsfirði. Karlmaðurinn giftist konu um áramótin eftir tæplega ársgamalt samband þeirra. Konan er meðal hinna handteknu. Karlmaður nokkur búsettur á Suðurlandinu var gestur á Ólafsfirði þennan dag. Samkvæmt heimildum fréttastofu var hann kominn til að aðstoða vinkonu sína, eiginkonu hins látna, sem hafi látið illa af sambandinu. Vinkona þeirra er búsett í fjölbýlishúsinu við Ólafsveg og hafði fyrr um kvöldið farið á heimili hjónanna og sótt föt í hennar eigu. Planið hafi verið að hjálpa henni út úr sambandinu. Hinn látni hafi, samkvæmt heimildum, komið í íbúðina þar sem vinirnir þrír hafi verið um nóttina. Hann hafi verið ósáttur við framvindu mála. Hvað gerðist í íbúðinni er til rannsóknar hjá lögreglu en ljóst er að eggvopn voru á lofti. Arnfríður Gígja Arngrímsdóttir, aðstoðaryfirlögregluþjónn á Akureyri sem fer fyrir rannsókn málsins, staðfesti við fréttastofu í gær að auk hins látna hefði annar aðili hlotið stungusár. Sá hefði fengið aðhlynningu á slysadeild. Annað vildi Arnfríður Gígja ekki staðfesta. Þá sagði hún í samtali við fréttastofu í dag að lögregla myndi ekki svara neinum spurningum varðandi málið að svo stöddu. Flutt til Reykjavíkur Heimildir fréttastofu herma að samband hjónanna, hins látna og hinnar handteknu, hafi verið stormasamt. Heimilisofbeldi hefur verið nefnt í því samhengi. Um er að ræða fólk sem verið hefur í neyslu og átt erfitt uppdráttar í samfélaginu. Lögregla hefur þurft að hafa afskipti af þeim og þá hafa þau hvort fyrir sig staðið í stappi við barnavernd. Hin þrjú handteknu verða flutt í fangelsið á Hólmsheiði í dag samkvæmt upplýsingum RÚV. Fangelsið er eina gæsluvarðhaldsfangelsið á landinu. Þó er heimilt að halda fólk í gæsluvarðhaldi í fjóra daga á lögreglustöð auk þess sem fangageymslur eru fyrir norðan. Veistu meira um málið? Vísir tekur við öllum ábendingum á ritstjorn@visir.is. Fullum trúnaði er heitið. Sigríður Ingvarsdóttir, bæjarstjóri í Fjallabyggð, segir í færslu á Facebook-síðu sveitarfélagsins að harmleikurinn á Ólafsfirði snerti alla íbúa bæjarfélagsins. „Sumir einstaklingar eru í kjölfarið bognir, aðrir brotnir. Þegar að sorgaratburður sem þessi á sér stað, eru það ekki einungis fórnarlömb og gerendur sem eiga um sárt að binda, heldur einnig fjölskyldur, vinir og aðstandendur þeirra sem eiga í hlut,“ segir Sigríður. „Lögreglan vinnur faglega að rannsókn málsins og mun upplýsa staðreyndir þess eftir því sem þær liggja fyrir. Við skulum öll hafa í huga, að aðgát skal ávallt höfð í nærveru sálar. Á það sérstaklega við á erfiðum stundum sem þessum.“ Þá biðlar hún til fjölmiðla að virða mörk gagnvart aðstandendum málsins. Uppfært klukkan 15:27. Lögreglumál Fjallabyggð Manndráp á Ólafsfirði Mest lesið „Síðasta sem hann vildi var að það yrði til nýr Stefán Blackburn” Innlent Saknaði þess að fá ekki einu sinni tölvupóst eftir fjörutíu ára starf Innlent Ákærður fyrir að nauðga barni frá því að það var tveggja ára Innlent Baðst afsökunar á miður fallegum orðum í garð annarra verjenda Innlent „Honum var kastað til hliðar eins og hverju öðru drasli“ Innlent Logandi bíll á hvolfi í Kópavogi Innlent „Enginn engill“ en heldur ekki morðingi Innlent Verjandi Lúkasar: „Þetta er bissness, þetta er viðskiptahugmynd“ Innlent Starfsmaður Héraðssaksóknara með stöðu sakbornings Innlent Afhjúpaði eigin njósnara á X Erlent Fleiri fréttir Háskólinn í stað Hótel Sögu sem heyrir sögunni til Logandi bíll á hvolfi í Kópavogi Sýknukrafa, kreppuástand og hótel í fjalli Byrja að dæla heitu aftur fyrir klukkan tíu Baðst afsökunar á miður fallegum orðum í garð annarra verjenda Sjö eldislaxar fundist í fjórum ám Starfsmaður Héraðssaksóknara með stöðu sakbornings Lýsa yfir vantrausti á Sönnu og segja hana ætla að stofna nýjan flokk „Enginn engill“ en heldur ekki morðingi Hefur þekkt soninn lengur en ráðherrann Verjandi Lúkasar: „Þetta er bissness, þetta er viðskiptahugmynd“ Aðeins 22 prósent nemenda Fellaskóla með viðeigandi færni í lestri Saknaði þess að fá ekki einu sinni tölvupóst eftir fjörutíu ára starf Þurfa að loka Vesturbæjarlaug enn á ný Krafist sýknu af manndrápsákæru og hríðfallandi lestrarfærni Kom farsíma fyrir á baðherbergi og myndaði konur „Síðasta sem hann vildi var að það yrði til nýr Stefán Blackburn” Mega gera ráð fyrir heitavatnsleysi fram á kvöld Innan við tuttugu prósent ánægð með borgarstjóra Sundhöllin opnuð á mánudag en lengra í heitu pottana Lögðu hald á snák eftir alvarlega líkamsárás „Honum var kastað til hliðar eins og hverju öðru drasli“ Alþjóðlegir nemendur áhyggjufullir vegna tafa á afgreiðslu dvalarleyfa Bílbruni í Hafnarfirði og á Lynghálsi Heitavatnslaust í öllum Grafarvogi Ákærður fyrir að nauðga barni frá því að það var tveggja ára Til vandræða á bar og vopnaður hnífi „Hér er ekki ódýr orka í neinum alþjóðlegum samanburði“ „Kennarar eiga ekki að vera í einhverjum lögguhlutverki“ Læknir nýtti sér sjúkraskrár til að afla viðskiptavina Sjá meira
Samfélagið á Ólafsfirði er slegið eftir að atburðina í fyrri nótt. Þá brugðust lögreglumenn og sjúkraliðar við ósk um aðstoð í fjölbýlishúsi við Ólafsveg. Endurlífgunartilraunir voru hafnar á vettvangi þegar fyrstu lögreglumenn mættu á vettvang. Þær tilraunir báru ekki árangur og var karlmaðurinn úrskurðaður látinn á vettvangi. Fjögur voru handtekin og þrjú úrskurðuð í gæsluvarðhald í gærkvöldi vegna rannsóknar lögreglu á málinu. Lögregla heldur þétt að sér spilunum við rannsókn málsins og lítið vilja gefa upp. Höfðu verið gift í innan við ár Samkvæmt heimildum fréttastofu er hinn látni 46 ára karlmaður búsettur á Ólafsfirði. Karlmaðurinn giftist konu um áramótin eftir tæplega ársgamalt samband þeirra. Konan er meðal hinna handteknu. Karlmaður nokkur búsettur á Suðurlandinu var gestur á Ólafsfirði þennan dag. Samkvæmt heimildum fréttastofu var hann kominn til að aðstoða vinkonu sína, eiginkonu hins látna, sem hafi látið illa af sambandinu. Vinkona þeirra er búsett í fjölbýlishúsinu við Ólafsveg og hafði fyrr um kvöldið farið á heimili hjónanna og sótt föt í hennar eigu. Planið hafi verið að hjálpa henni út úr sambandinu. Hinn látni hafi, samkvæmt heimildum, komið í íbúðina þar sem vinirnir þrír hafi verið um nóttina. Hann hafi verið ósáttur við framvindu mála. Hvað gerðist í íbúðinni er til rannsóknar hjá lögreglu en ljóst er að eggvopn voru á lofti. Arnfríður Gígja Arngrímsdóttir, aðstoðaryfirlögregluþjónn á Akureyri sem fer fyrir rannsókn málsins, staðfesti við fréttastofu í gær að auk hins látna hefði annar aðili hlotið stungusár. Sá hefði fengið aðhlynningu á slysadeild. Annað vildi Arnfríður Gígja ekki staðfesta. Þá sagði hún í samtali við fréttastofu í dag að lögregla myndi ekki svara neinum spurningum varðandi málið að svo stöddu. Flutt til Reykjavíkur Heimildir fréttastofu herma að samband hjónanna, hins látna og hinnar handteknu, hafi verið stormasamt. Heimilisofbeldi hefur verið nefnt í því samhengi. Um er að ræða fólk sem verið hefur í neyslu og átt erfitt uppdráttar í samfélaginu. Lögregla hefur þurft að hafa afskipti af þeim og þá hafa þau hvort fyrir sig staðið í stappi við barnavernd. Hin þrjú handteknu verða flutt í fangelsið á Hólmsheiði í dag samkvæmt upplýsingum RÚV. Fangelsið er eina gæsluvarðhaldsfangelsið á landinu. Þó er heimilt að halda fólk í gæsluvarðhaldi í fjóra daga á lögreglustöð auk þess sem fangageymslur eru fyrir norðan. Veistu meira um málið? Vísir tekur við öllum ábendingum á ritstjorn@visir.is. Fullum trúnaði er heitið. Sigríður Ingvarsdóttir, bæjarstjóri í Fjallabyggð, segir í færslu á Facebook-síðu sveitarfélagsins að harmleikurinn á Ólafsfirði snerti alla íbúa bæjarfélagsins. „Sumir einstaklingar eru í kjölfarið bognir, aðrir brotnir. Þegar að sorgaratburður sem þessi á sér stað, eru það ekki einungis fórnarlömb og gerendur sem eiga um sárt að binda, heldur einnig fjölskyldur, vinir og aðstandendur þeirra sem eiga í hlut,“ segir Sigríður. „Lögreglan vinnur faglega að rannsókn málsins og mun upplýsa staðreyndir þess eftir því sem þær liggja fyrir. Við skulum öll hafa í huga, að aðgát skal ávallt höfð í nærveru sálar. Á það sérstaklega við á erfiðum stundum sem þessum.“ Þá biðlar hún til fjölmiðla að virða mörk gagnvart aðstandendum málsins. Uppfært klukkan 15:27.
Veistu meira um málið? Vísir tekur við öllum ábendingum á ritstjorn@visir.is. Fullum trúnaði er heitið.
Lögreglumál Fjallabyggð Manndráp á Ólafsfirði Mest lesið „Síðasta sem hann vildi var að það yrði til nýr Stefán Blackburn” Innlent Saknaði þess að fá ekki einu sinni tölvupóst eftir fjörutíu ára starf Innlent Ákærður fyrir að nauðga barni frá því að það var tveggja ára Innlent Baðst afsökunar á miður fallegum orðum í garð annarra verjenda Innlent „Honum var kastað til hliðar eins og hverju öðru drasli“ Innlent Logandi bíll á hvolfi í Kópavogi Innlent „Enginn engill“ en heldur ekki morðingi Innlent Verjandi Lúkasar: „Þetta er bissness, þetta er viðskiptahugmynd“ Innlent Starfsmaður Héraðssaksóknara með stöðu sakbornings Innlent Afhjúpaði eigin njósnara á X Erlent Fleiri fréttir Háskólinn í stað Hótel Sögu sem heyrir sögunni til Logandi bíll á hvolfi í Kópavogi Sýknukrafa, kreppuástand og hótel í fjalli Byrja að dæla heitu aftur fyrir klukkan tíu Baðst afsökunar á miður fallegum orðum í garð annarra verjenda Sjö eldislaxar fundist í fjórum ám Starfsmaður Héraðssaksóknara með stöðu sakbornings Lýsa yfir vantrausti á Sönnu og segja hana ætla að stofna nýjan flokk „Enginn engill“ en heldur ekki morðingi Hefur þekkt soninn lengur en ráðherrann Verjandi Lúkasar: „Þetta er bissness, þetta er viðskiptahugmynd“ Aðeins 22 prósent nemenda Fellaskóla með viðeigandi færni í lestri Saknaði þess að fá ekki einu sinni tölvupóst eftir fjörutíu ára starf Þurfa að loka Vesturbæjarlaug enn á ný Krafist sýknu af manndrápsákæru og hríðfallandi lestrarfærni Kom farsíma fyrir á baðherbergi og myndaði konur „Síðasta sem hann vildi var að það yrði til nýr Stefán Blackburn” Mega gera ráð fyrir heitavatnsleysi fram á kvöld Innan við tuttugu prósent ánægð með borgarstjóra Sundhöllin opnuð á mánudag en lengra í heitu pottana Lögðu hald á snák eftir alvarlega líkamsárás „Honum var kastað til hliðar eins og hverju öðru drasli“ Alþjóðlegir nemendur áhyggjufullir vegna tafa á afgreiðslu dvalarleyfa Bílbruni í Hafnarfirði og á Lynghálsi Heitavatnslaust í öllum Grafarvogi Ákærður fyrir að nauðga barni frá því að það var tveggja ára Til vandræða á bar og vopnaður hnífi „Hér er ekki ódýr orka í neinum alþjóðlegum samanburði“ „Kennarar eiga ekki að vera í einhverjum lögguhlutverki“ Læknir nýtti sér sjúkraskrár til að afla viðskiptavina Sjá meira