Innlent

Þrír handteknir grunaðir um ólöglega dvöl hér á landi

Fanndís Birna Logadóttir skrifar
Innbrot, eldsvoðar og umferðaróhöpp voru meðal þess sem komu á borð lögreglu síðasta sólarhring. 
Innbrot, eldsvoðar og umferðaróhöpp voru meðal þess sem komu á borð lögreglu síðasta sólarhring.  Vísir/Vilhelm

Þrír erlendir einstaklingar voru vistaðir í fangageymslu lögreglunnar á höfuðborgarsvæðinu í nótt en grunur er um að þeir hafi dvalið of lengi hér á landi. 

Að því er kemur fram í dagbók lögreglu verða mál umræddra einstaklinga rannsökuð nánar í dag en mennirnir eru að sögn lögreglu í ólöglegri dvöl.

Meðal annarra útkalla lögreglu í gærkvöldi og í nótt voru tilkynningar um eldsvoða. Þannig var tilkynnt um eld í rusli við leikskóla í Grafarvogi en eitthvað tjón varð á húsnæði leikskólans eftir eldinn. Þá var tilkynnt um eld í skúr í Garðabæ en ekki er vitað um tjón þar. 

Í dagbók lögreglu kemur einnig fram að tvö innbrot hafi komið á þeirra borð en  engar frekari upplýsingar komu þar fram. Tilkynnt var einnig um tvö umferðaróhöpp, í öðru þeirra voru engin slys á fólki en eitthvað um eignatjón. 

Þá hafði lögregla afskipti af nokkrum einstaklingum, þar á meðal tveimur í miðbænum sem grunaðir eru um vörslu fíkniefna og nokkrum ökumönnum sem grunaðir eru um akstur undir áhrifum fíkniefna eða áfengis. Einn reyndist þá sviptur ökuréttindum vegna fyrri afskipta lögreglu. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.