Lífið

Emily in Paris snýr aftur í desember

Elísabet Hanna skrifar
Emily in Paris snýr aftur í desember.
Emily in Paris snýr aftur í desember. Skjáskot/Instagram

Tökum er lokið á þriðju seríunni af Emily in Paris og snýr þátturinn aftur á Netflix þann 21. desember. Leikkonan Lily Collins, sem leikur Emily, deildi myndum af tökustað og fögrum orðum um lífsreynsluna á Instagram miðli sínum í gær.

Þættirnir fjalla um hina amerísku Emily Cooper sem flytur til Parísar til þess að starfa í markaðssetningu. Þar eignast hún nýja vini og verður ástfangin. Þættirnir komu fyrst á skjáinn í október árið 2020 og segja sumir að þeir hafi komið á mjög góðum tíma þar sem Covid hafði nýlega gert það að verkum að nánast ómögulegt var að ferðast. 

Samkvæmt Netflix hafa báðar þáttaraðirnar sem hafa komið út fengið gríðarlega góð viðbrögð. Streymisveitan endurnýjaði þáttinn ekki aðeins fyrir sína þriðju seríu, sem kemur í lok ársins, heldur einnig þá fjórðu sem er væntanleg.

Stolt og þakklát

„Orð geta ekki líst öllum tilfinningunum sem ég finn þegar ég klára tökur við hverja seríu af Emily in Paris,“ segir leikkonan Lily eftir að tökum lauk. Hún hrósar öllum þeim sem koma að þáttunum og segir þau vera orðin sem fjölskylda. Hún þakkar öllum fyrir samstarfið og metnaðinn sem hefur verið lagður í verkefnið. 

Hún segist vera mjög stolt og bíður spennt eftir því að deila afrakstrinum. Í anda persónunnar Emily endaði hún skilaboðin á frönsku: „Je vous aime tous!“ sem þýðir „Ég elska ykkur öll!“

Líkt og áður eru þau Ashley Park, Lucas Bravo, Camille Razat, Lucien Laviscount, Bruno Gouery, Philippine Leroy-Beaulieu og Samuel Arnold einnig partur af teyminu. 

Hér að neðan má sjá myndir sem hún hefur deilt frá ferlinu:

Hlaut gagnrýni

Þegar fyrsta þáttaröðin kom út fylgdu þó einnig gagnrýnisraddir. Frakkar voru ósáttir með það í hvaða ljósi þeir væru sýndir í þáttunum og fyrirtæki sem voru nefnd voru ósátt við samhengið. 

Þeir sem komu að þáttunum báðust afsökunar og sögðust ætla að gera betur í næstu þáttaröð. Frakkar virtust ekki jafn ósáttir með þá þáttaröð en menningarmálaráðherra Úkraínu sendi formlegt erindi til Netflix og kvartaði undan persónu í þáttunum. Í erindinu kom fram að persónan Petra væri „óásættanleg skrípamynd“ af úkraínskri konu.


Tengdar fréttir

Uppáhalds lúkkin okkar úr Emily in Paris

Netflix þættirnir Emily in Paris með Lily Collins hafa vakið mikla athygi og þá sérstaklega þegar kemur að klæðnaði, förðun og hári. Heiður Ósk og Ingunn Sig í HI beauty tóku saman sín uppáhalds lúkk úr þáttunum. Við gefum þeim orðið. 






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.