Innlent

Erfitt að skrúfa fyrir At­lants­hafið

Viktor Örn Ásgeirsson skrifar
Varðstjóri hjá slökkviliðinu segir erfitt að ráða við Atlantshafið.
Varðstjóri hjá slökkviliðinu segir erfitt að ráða við Atlantshafið. Vísir/Tryggvi

Sjór gengur yfir götur á Eyrinni á Akureyri og flætt hefur inn í hús. Varðstjóri hjá slökkviliði segir að sjórinn nái upp að hnjám, og erfitt sé að eiga við Atlantshafið.

Mest af sjó er við Norðurgötu, Gránufélagsgötu og Eiðsvallagötu. 

„Götur eru hérna á floti, það er að flæða inn í hús og sums staðar alveg hnéhátt vatn. Vonandi fer þetta skánandi. Við er um að ná að veita vatni aðeins í burtu, við erum búin að taka í sundur gangstétt til þess að drena vatnið út í sjó, af því að niðurföllin hafa ekki undan,“ segir varðstjóri hjá slökkviliði Akureyrar.

„Það er erfitt að skrúfa fyrir þetta, það er ekki hlaupið að því,“ bætir hann við.

Slökkviliðið reynir að fyrirbyggja frekara vatnstjón.Vísir/Tryggvi

Hann segir að búið sé að moka sandi í poka og hlaða fyrir hurðar og húsveggi, til að lágmarka það vatn sem inn geti flætt í húsin. Ekki hafa borist tilkynningar um að flætt hafi inn í íbúðarhús.

„Við erum með allar okkar dælur úti þannig að það sé að setja allt í gang um leið og við erum farin að ráða við það; um leið og Atlantshafið hættir að ýta sér inn,“ bætir hann við.

Fylgst er með nýjustu vendingum í veðri hér í vaktinni á Vísi.

Veður Akureyri Óveður 25. september 2022
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið