Sport

Dagskráin í dag: Stórleikur í Olís-deildinni og Dusty mátar sig við stóru liðin

Hjörtur Leó Guðjónsson skrifar
Íslandsmeistarar Vals heimsækja FH-inga í Olís-deild karla í handbolta í kvöld.
Íslandsmeistarar Vals heimsækja FH-inga í Olís-deild karla í handbolta í kvöld. Vísir/Hulda Margrét

Sportrásir Stöðvar 2 bjóða alls upp á tólf beinar útsendingar úr hinum ýmsu íþróttagreinum í dag.

Við hefjum leik strax klukkan 10:00 á Stöð 2 eSport þegar Dusty mætir til leiks í forkeppni norðurlandanna fyrir Blast Premier mótið í CS:GO. Dusty mætir danska liðinu ECSTATIC, en liðin mættust einnig í vor þar sem Danirnir báru nauman sigur úr býtum.

Klukkan 11:30 mætast svo MASONIC og Lilmix í sama riðli, áður en sigurliðin úr þessum tveimur leikjum mætast klukkan 13:00. Útilokunarleikurinn er svo á dagskrá klukkan 14:30, en ákvörðunarleikurinn fer fram klukkan 16:00, allt í beinni útsendingu á Stöð 2 eSport.

Rafíþróttirnar hafa þó ekki lokið sér af þennan daginn að þessari dagskrá lokinni því klukkan 19:30 verður Arena-deildin í beinni útsendingu á Stöð 2 eSport.

Þá verða einnig þrjú golfmót í beinni útsendingu í dag og það fyrsta er Women's Irish Open á LET-mótaröðinni klukkan 14:00 á Stöð 2 Sport 3. Klukkan 15:30 er svo komið að Walmart NW Arkansas Championship á LPGA-mótaröðinni á Stöð 2 Sport 4 og Presidents Cup á PGA-mótaröðinni á Stöð 2 Sport 5.

Klukkan 19:05 verðum við svo í beinni útsendingu frá Álftanesi þar sem heimamenn taka á móti Þór Akureyri í 1. deild karla í körfubolta.

Að lokum fáum við svo stórleik í Olís-deild karla til að loka dagskránni þegar FH tekur á móti Íslandsmeisturum Vals klukkan 19:15. Að þeim leik loknum verður Seinni bylgjan svo á dagskrá þar sem 3. umferð deildarinnar verður gerð upp.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.