Innlent

Hafa ekkert heyrt frá Lilju

Bjarki Sigurðsson skrifar
Harpa Þórsdóttir var skipuð þjóðminjavörður í lok ágúst. Embættið var ekki auglýst.
Harpa Þórsdóttir var skipuð þjóðminjavörður í lok ágúst. Embættið var ekki auglýst.

Félag fornleifafræðinga hefur hvorki heyrt frá Lilju Alfreðsdóttur menningarmálaráðherra né umboðsmanni Alþingis vegna kvörtun þeirra á skipun Hörpu Þórsdóttur í embætti þjóðminjavarðar. 

Í Fréttablaðinu í dag er rætt við Gylfa Björn Helgason, formann Félags fornleifafræðinga en félagið lýsti yfir vonbrigðum sínum í kjölfar skipunarinnar og sagði ráðningaferlið hafa verið óvandað, ógagnsætt og metnaðarlaust, þá sérstaklega þar sem staðan var ekki auglýst. Þá sagði félagið að skipunin væri hluti af „embættismannaleik“ ráðherra.

Gylfi segir að félagið hafi ekkert heyrt frá umboðsmanni Alþingis varðandi kvörtun sína sem send var á embættið í lok ágúst. Þá segir hann að Lilja hafi talað um að bjóða stjórn félagsins á fund en hann hafi heldur ekkert heyrt frá henni síðan þá.

„Við bara bíðum átekta, það hlýtur að koma fljótlega,“ segir Gylfi í samtali við Fréttablaðið. Hann vill meina að ef staðan hefði verið auglýst hefðu að minnsta kosti sex manns innan fornleifafræðinnar sótt um embættið og líklegast enn fleiri safna- og sagnfræðingar.

Ríkisstjórn Katrínar Jakobsdóttur Deilur um skipun þjóðminjavarðar Söfn Menning Stjórnsýsla
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið