Innlent

Vistaður í fangageymslu vegna áreitni í garð kvenna í miðbænum

Hallgerður Kolbrún E. Jónsdóttir skrifar
Maðurinn er látinn sofa úr sér í fangageymslu. 
Maðurinn er látinn sofa úr sér í fangageymslu.  Vísir/Vilhelm

Karlmaður var handtekinn í miðbæ Reykjavíkur í gærkvöldi og vistaður í fangageymslu vegna áreitni í garð kvenna. Maðurinn var auk þess í mjög annarlegu ástandi og taldi lögregla réttast að láta manninn gista þar til rofar til.

Þetta kemur fram í dagbók lögreglu. Þar segir að þrír hafi verið handteknir vegna gruns um akstur undir áhrifum áfengis og/eða fíkniefna. Einn þeirra reyndist þar að auki vera sviptur ökuréttindum. Einn var sektaður fyrir of hraðan akstur en hann mældist á 110 kílómetra hraða þar sem hámarkshraði eru 80 kílómetrar.

Einn var þá handtekinn vegna gruns um vörslu og sölu fíkniefna. Lögregla lagði hald á efni og fjármuni og er málið nú til rannsóknar. Lögregla þurfti þá að hafa afskipti af konu í annarlegu ástandi sem hafði skemmt bifreið. Lögregla ræddi við málsaðila sem útkjáðu málið. 

Tilkynnt var um eld í verksmiðju í Hafnarfirði en búið var að slökkva eldin þegar lögregla og slökkvilið komu á vettvang. Eldurinn hafði komið upp í vinnuvél, sem nú er ónýt, en engar frekari skemmdir urðu vegna eldsins. 

Lögreglumál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið