Pólitísk upplausn í aðsigi í Evrópu: „Þetta lítur út fyrir að vera einhvers konar leikrit“ Snorri Másson skrifar 17. september 2022 09:15 Sigríður Á. Andersen fyrrverandi ráðherra segir að evrópskir ráðamenn hafi átt að vera betur undirbúnir fyrir afleiðingarnar sem refsiaðgerðir gegn Rússum hefðu á hagkerfin heima fyrir. Sumar refsiaðgerðirnar séu að reynast refsiaðgerðir ríkja gegn eigin borgurum. Sigríður og Gunnar Smári ræddu stríðið í Úkraínu og eldfimt stjórnmálaástand í Evrópu í Íslandi í dag á miðvikudag. Horfa má á viðtalið hér að ofan. Það hefst snemma í innslaginu. Hér neðar í greininni er líka farið yfir ummæli beggja á öðrum vettvangi. Gunnar Smári benti í Íslandi í dag á kosningarnar fram undan á Ítalíu. „Þar eru Bræður Ítalíu langstærsti flokkurinn, Meloni verður líklega forsætisráðherra þar með Salvini og Berlusconi í ríkisstjórn. Þetta byggir á óánægju almennings með ástandið, versnandi kjör, hækkandi orkuverð og minnkandi kaupmáttur. Þetta hafði áhrif í Svíþjóð, þetta mun hafa áhrif út um alla Evrópu, þetta mun leiða til pólitískrar upplausnar í Evrópu,“ sagði Gunnar Smári. Leikrit sem bitnar á borgurum og framlengir mögulega ástandið Sigríður sagði nýverið í hlaðvarpi Þjóðmála að menn hefðu átt að sjá í upphafi að þeir myndu lenda í ógöngum með efnahagslegar refsiaðgerðir gegn Rússum. Sigríður Andersen ræddi stríðið í Úkraínu við Ísland í dag.Vísir/Arnar „Mér hefur ekki þótt leiðtogar Vesturveldanna, að minnsta kosti í næsta nágrenni við þetta ríki, vera nógu undirbúin fyrir þetta,“ sagði Sigríður í Íslandi í dag. Hún vísaði til ræðu Ursulu von der Leyen í Evrópuþinginu í gær, þar sem hún boðaði frekari refsiaðgerðir gegn Rússlandi og sagði þær komnar til að vera. Sigríður segir að sífellt meira ósættis gæti um þessar refsiaðgerðir. „Einstök ríki eru að detta úr skaftinu í Evrópusambandinu og neita að styðja slíkt. Þau eru að benda á að refsiaðgerðir gagnvart svona stríðsríki mega auðvitað ekki enda í refsiaðgerðum gagnvart eigin borgurum. Það er svolítið að gerast í Evrópu, því miður.“ Gunnar Smári: „Með allri virðingu fyrir því að fólk vilji gera eitthvað, þá er ekki alltaf best að gera bara eitthvað, heldur verður að vera eitthvað gagn af því.“ Ursula von der Leyen, forseti framkvæmdastjórnar Evrópusambandsins, hefur ítrekað lýst óbilandi stuðningi ESB við Úkraínumenn og sagði nýlega að efnahagsþvinganir gegn Rússum væru komnar til að vera.AP/Jean-Francois Badias Sigríður segir ekki fara saman hljóð og mynd meðal evrópskra leiðtoga sem banna kaup á orkugjöfum frá Rússum en að sama skapi rífa í hár sitt og skegg af bræði þegar Pútín lokar gasleiðslum til Evrópu. „Þetta lítur út fyrir að vera einhvers konar leikrit sem mér finnst vont að bitni á borgurum í Evrópu og mögulega, mögulega er að framlengja þetta ömurlega ástand í Donbas-héruðunum og í Úkraínu,“ segir Sigríður Andersen. Komið hefur fram í máli Sigríðar að jafnvel þótt margir telji Rússa ekki viðræðuhæfa til að reyna að binda enda á stríðið, þá sé raunin engu að síður sú að þeir séu auðvitað einhverjir viðræðuhæfir, þótt Pútín sjálfur sé það kannski ekki. „Það er friður sem endar stríð“ Gunnar Smári sagði í skeyti til fréttastofu eftir viðtalið að hann sé sammála Sigríði um að hefja þurfi friðarviðræður. Gunnar Smári Egilsson er formaður framkvæmdastjórnar Sósíalistaflokksins á Íslandi.Vísir/Arnar „Þær geta leitt til vopnahlés og síðan til friðar. En jafnvel stutt vopnahlé mun bjarga mannslífum og draga um stund úr þeim hörmungum sem stríðið er. Svo til öll stríð enda við samningaborðið, ekki á vígvellinum. Síðasta stríð sem ég man eftir að endaði á vígvellinum var seinni heimsstyrjöldin og það var rússneski herinn sem vann það stríð. Ég er á móti hernaði. Og finnst magnað að fólk sem er á móti hernaði sé í dag sakað um að vera á bandi Pútín. Samt er Pútin hernaðarsinni sem fer með hernaði gagnvart nágrönnum sínum. Pútin er miklu líkari Pentagon, Washington og Nató en okkur friðarsinnum. Ég skil ekki hvað fólk er að tala um með fullnaðarsigri á rússneska hernum. Ætla menn þá að hrekja Rússa út úr Úkraínu og rekja svo flóttann til Moskvu? Brjóta niður rússneska herinn sem á næg kjarnorkuvopn til að eyða mannkyninu þrisvar eða fjórum sinnum? Það er auðvelt að berja í borðið og segja annað hvort fellum við Pútín eða lífið er hvort sem er ekki þess virði að verja það. En mér finnst þetta óráðshjal. Það er friður sem endar stríð. Það gerist voða sjaldan að stríð endi stríð. Ég veit að Pentagon vill að þetta stríð vari sem lengst. Þar vilja menn veikja Rússland og þar er mönnum hjartanlega sama um Úkraínu, hvort landið verði byggilegt eftir margra ára stríð eða hvort einhver af þeim tíu milljónum sem eru á flótta fái að snúa aftur heim, fái að lifa í friði. Fram undan er vondur vetur fyrir Evrópu. Orkukreppan hefur grafið undan lífskjörum og það mun leiða til félagslegrar upplausnar og pólitískra hamfara. Bræður Ítalíu munu taka Ítalíu seinna í mánuðinum og Svíþjóðardemókratar eru með lykilstöðu í Svíþjóð, hvort tveggja miklir mátar Pútíns og skoðanabræður um flest. Og svo munu löndin líklega falla eitt af öðru. Í upphafi stríðsins talaði fólk um að Evrópa myndi þjappa sér sama um sín gildi. Ég veit ekki til hvaða gilda fólk var að vísa til, en stríðið mun efla framgöngu fasismans. Og Pútín hlær.“ Innrás Rússa í Úkraínu Ísland í dag Mest lesið Lögregla dreifði gjörbreyttri mynd af díselþjófum Innlent „Sjaldan hefur stjórnmálamaður verið hamflettur jafn rækilega“ Innlent „Það er rosalega ljótt að segja þetta en mér líður bara þannig“ Innlent Líkir aðferðum forstjóra Landsvirkjunnar við heimilisofbeldi Innlent Í áfalli eftir að hafa fengið bréf frá árásarmanninum inn um lúguna Erlent Lögregla biðst afsökunar vegna myndarinnar Innlent „Hef ekki hitt neinn arkitekt sem finnst þetta góð hugmynd“ Innlent Spáin versnar á ný og gul viðvörun í Eyjum Veður Lét högg og spörk dynja á foreldrunum í tíu klukkustundir Innlent Dregur í land og segir Starmer og félaga verðlauna Hamas Erlent Fleiri fréttir Suðureyjargöng skilyrt hækkun eftirlaunaaldurs Kínverjar leita leiða til að granda gervihnöttum Musks Í áfalli eftir að hafa fengið bréf frá árásarmanninum inn um lúguna Dregur í land og segir Starmer og félaga verðlauna Hamas Létu sprengjum rigna á Kænugarð Segja 30 hafa látist í skotárás Ísraelshers við dreifingu neyðargagna Kanada í hóp þeirra sem hyggjast viðurkenna sjálfstæði Palestínu Sjö dáið úr hungri síðasta sólarhringinn Rannsaka tengsl þyngdarstjórnunarlyfja við bráða brisbólgu Gargaði á flokksfélaga sína Fyrsta ástralska geimflaugin flaug í fjórtán sekúndur Maxwell vill friðhelgi fyrir vitnisburðinn Vill greiða sex milljarða tryggingu til að losna úr haldi Pokrovsk riðar til falls 8,8 stiga skjálfti í Rússlandi: Flóðbylgjuviðvaranir gefnar út víða um Kyrrahaf Arabaríki og lönd ESB kalla eftir tveggja ríkja lausn og afvopnun Hamas Ísland ekki í fararbroddi heldur fylgi öðrum í humátt á eftir „Hann stal henni“ Bretar hyggjast viðurkenna Palestínu sem sjálfstætt ríki Færeyingar heita refsiaðgerðum gegn Rússlandi: „Eigum eftir að sjá hvernig efndirnar verða“ Gefa lítið fyrir afarkosti Trumps Ætlaði í höfuðstöðvar NFL Bandarískir trúboðar herja á einangraða ættbálka með drónum og sólarknúnum afspilunartækjum Trump um Epstein: „Hann stal fólki sem vann fyrir mig“ Íhuga að greiða sextíu milljarða til að friðþægja Trump Hyggjast greiða 60 þúsund á ári fyrir öll börn undir þriggja ára „Versta mögulega tilfelli hungursneyðar“ Maxwell biðlar til Hæstaréttar Á annan tug í valnum eftir að Rússar sprengdu fangelsi í loft upp Trump segir „alvöru hungursneyð“ ríkja á Gasa Sjá meira
Sigríður og Gunnar Smári ræddu stríðið í Úkraínu og eldfimt stjórnmálaástand í Evrópu í Íslandi í dag á miðvikudag. Horfa má á viðtalið hér að ofan. Það hefst snemma í innslaginu. Hér neðar í greininni er líka farið yfir ummæli beggja á öðrum vettvangi. Gunnar Smári benti í Íslandi í dag á kosningarnar fram undan á Ítalíu. „Þar eru Bræður Ítalíu langstærsti flokkurinn, Meloni verður líklega forsætisráðherra þar með Salvini og Berlusconi í ríkisstjórn. Þetta byggir á óánægju almennings með ástandið, versnandi kjör, hækkandi orkuverð og minnkandi kaupmáttur. Þetta hafði áhrif í Svíþjóð, þetta mun hafa áhrif út um alla Evrópu, þetta mun leiða til pólitískrar upplausnar í Evrópu,“ sagði Gunnar Smári. Leikrit sem bitnar á borgurum og framlengir mögulega ástandið Sigríður sagði nýverið í hlaðvarpi Þjóðmála að menn hefðu átt að sjá í upphafi að þeir myndu lenda í ógöngum með efnahagslegar refsiaðgerðir gegn Rússum. Sigríður Andersen ræddi stríðið í Úkraínu við Ísland í dag.Vísir/Arnar „Mér hefur ekki þótt leiðtogar Vesturveldanna, að minnsta kosti í næsta nágrenni við þetta ríki, vera nógu undirbúin fyrir þetta,“ sagði Sigríður í Íslandi í dag. Hún vísaði til ræðu Ursulu von der Leyen í Evrópuþinginu í gær, þar sem hún boðaði frekari refsiaðgerðir gegn Rússlandi og sagði þær komnar til að vera. Sigríður segir að sífellt meira ósættis gæti um þessar refsiaðgerðir. „Einstök ríki eru að detta úr skaftinu í Evrópusambandinu og neita að styðja slíkt. Þau eru að benda á að refsiaðgerðir gagnvart svona stríðsríki mega auðvitað ekki enda í refsiaðgerðum gagnvart eigin borgurum. Það er svolítið að gerast í Evrópu, því miður.“ Gunnar Smári: „Með allri virðingu fyrir því að fólk vilji gera eitthvað, þá er ekki alltaf best að gera bara eitthvað, heldur verður að vera eitthvað gagn af því.“ Ursula von der Leyen, forseti framkvæmdastjórnar Evrópusambandsins, hefur ítrekað lýst óbilandi stuðningi ESB við Úkraínumenn og sagði nýlega að efnahagsþvinganir gegn Rússum væru komnar til að vera.AP/Jean-Francois Badias Sigríður segir ekki fara saman hljóð og mynd meðal evrópskra leiðtoga sem banna kaup á orkugjöfum frá Rússum en að sama skapi rífa í hár sitt og skegg af bræði þegar Pútín lokar gasleiðslum til Evrópu. „Þetta lítur út fyrir að vera einhvers konar leikrit sem mér finnst vont að bitni á borgurum í Evrópu og mögulega, mögulega er að framlengja þetta ömurlega ástand í Donbas-héruðunum og í Úkraínu,“ segir Sigríður Andersen. Komið hefur fram í máli Sigríðar að jafnvel þótt margir telji Rússa ekki viðræðuhæfa til að reyna að binda enda á stríðið, þá sé raunin engu að síður sú að þeir séu auðvitað einhverjir viðræðuhæfir, þótt Pútín sjálfur sé það kannski ekki. „Það er friður sem endar stríð“ Gunnar Smári sagði í skeyti til fréttastofu eftir viðtalið að hann sé sammála Sigríði um að hefja þurfi friðarviðræður. Gunnar Smári Egilsson er formaður framkvæmdastjórnar Sósíalistaflokksins á Íslandi.Vísir/Arnar „Þær geta leitt til vopnahlés og síðan til friðar. En jafnvel stutt vopnahlé mun bjarga mannslífum og draga um stund úr þeim hörmungum sem stríðið er. Svo til öll stríð enda við samningaborðið, ekki á vígvellinum. Síðasta stríð sem ég man eftir að endaði á vígvellinum var seinni heimsstyrjöldin og það var rússneski herinn sem vann það stríð. Ég er á móti hernaði. Og finnst magnað að fólk sem er á móti hernaði sé í dag sakað um að vera á bandi Pútín. Samt er Pútin hernaðarsinni sem fer með hernaði gagnvart nágrönnum sínum. Pútin er miklu líkari Pentagon, Washington og Nató en okkur friðarsinnum. Ég skil ekki hvað fólk er að tala um með fullnaðarsigri á rússneska hernum. Ætla menn þá að hrekja Rússa út úr Úkraínu og rekja svo flóttann til Moskvu? Brjóta niður rússneska herinn sem á næg kjarnorkuvopn til að eyða mannkyninu þrisvar eða fjórum sinnum? Það er auðvelt að berja í borðið og segja annað hvort fellum við Pútín eða lífið er hvort sem er ekki þess virði að verja það. En mér finnst þetta óráðshjal. Það er friður sem endar stríð. Það gerist voða sjaldan að stríð endi stríð. Ég veit að Pentagon vill að þetta stríð vari sem lengst. Þar vilja menn veikja Rússland og þar er mönnum hjartanlega sama um Úkraínu, hvort landið verði byggilegt eftir margra ára stríð eða hvort einhver af þeim tíu milljónum sem eru á flótta fái að snúa aftur heim, fái að lifa í friði. Fram undan er vondur vetur fyrir Evrópu. Orkukreppan hefur grafið undan lífskjörum og það mun leiða til félagslegrar upplausnar og pólitískra hamfara. Bræður Ítalíu munu taka Ítalíu seinna í mánuðinum og Svíþjóðardemókratar eru með lykilstöðu í Svíþjóð, hvort tveggja miklir mátar Pútíns og skoðanabræður um flest. Og svo munu löndin líklega falla eitt af öðru. Í upphafi stríðsins talaði fólk um að Evrópa myndi þjappa sér sama um sín gildi. Ég veit ekki til hvaða gilda fólk var að vísa til, en stríðið mun efla framgöngu fasismans. Og Pútín hlær.“
Innrás Rússa í Úkraínu Ísland í dag Mest lesið Lögregla dreifði gjörbreyttri mynd af díselþjófum Innlent „Sjaldan hefur stjórnmálamaður verið hamflettur jafn rækilega“ Innlent „Það er rosalega ljótt að segja þetta en mér líður bara þannig“ Innlent Líkir aðferðum forstjóra Landsvirkjunnar við heimilisofbeldi Innlent Í áfalli eftir að hafa fengið bréf frá árásarmanninum inn um lúguna Erlent Lögregla biðst afsökunar vegna myndarinnar Innlent „Hef ekki hitt neinn arkitekt sem finnst þetta góð hugmynd“ Innlent Spáin versnar á ný og gul viðvörun í Eyjum Veður Lét högg og spörk dynja á foreldrunum í tíu klukkustundir Innlent Dregur í land og segir Starmer og félaga verðlauna Hamas Erlent Fleiri fréttir Suðureyjargöng skilyrt hækkun eftirlaunaaldurs Kínverjar leita leiða til að granda gervihnöttum Musks Í áfalli eftir að hafa fengið bréf frá árásarmanninum inn um lúguna Dregur í land og segir Starmer og félaga verðlauna Hamas Létu sprengjum rigna á Kænugarð Segja 30 hafa látist í skotárás Ísraelshers við dreifingu neyðargagna Kanada í hóp þeirra sem hyggjast viðurkenna sjálfstæði Palestínu Sjö dáið úr hungri síðasta sólarhringinn Rannsaka tengsl þyngdarstjórnunarlyfja við bráða brisbólgu Gargaði á flokksfélaga sína Fyrsta ástralska geimflaugin flaug í fjórtán sekúndur Maxwell vill friðhelgi fyrir vitnisburðinn Vill greiða sex milljarða tryggingu til að losna úr haldi Pokrovsk riðar til falls 8,8 stiga skjálfti í Rússlandi: Flóðbylgjuviðvaranir gefnar út víða um Kyrrahaf Arabaríki og lönd ESB kalla eftir tveggja ríkja lausn og afvopnun Hamas Ísland ekki í fararbroddi heldur fylgi öðrum í humátt á eftir „Hann stal henni“ Bretar hyggjast viðurkenna Palestínu sem sjálfstætt ríki Færeyingar heita refsiaðgerðum gegn Rússlandi: „Eigum eftir að sjá hvernig efndirnar verða“ Gefa lítið fyrir afarkosti Trumps Ætlaði í höfuðstöðvar NFL Bandarískir trúboðar herja á einangraða ættbálka með drónum og sólarknúnum afspilunartækjum Trump um Epstein: „Hann stal fólki sem vann fyrir mig“ Íhuga að greiða sextíu milljarða til að friðþægja Trump Hyggjast greiða 60 þúsund á ári fyrir öll börn undir þriggja ára „Versta mögulega tilfelli hungursneyðar“ Maxwell biðlar til Hæstaréttar Á annan tug í valnum eftir að Rússar sprengdu fangelsi í loft upp Trump segir „alvöru hungursneyð“ ríkja á Gasa Sjá meira