Innlent

Vitni að slysinu fengu á­falla­hjálp

Bjarki Sigurðsson skrifar
Útsýni af Úlfarsfelli þar sem keppnin fór fram.
Útsýni af Úlfarsfelli þar sem keppnin fór fram. Vísir/Vilhelm

Vitni að hjólreiðaslysinu á Úlfarsfelli í Mosfellsbæ í dag fengu áfallahjálp frá Rauða krossinum. Maður slasaðist alvarlega í slysinu en hann var fluttur með þyrlu Landhelgisgæslunnar á sjúkrahús um hádegisbilið í dag.

Slysið átti sér stað er rétt fyrir hádegi í dag en ekki er vitað hvað skeði eða hverjir áverkar mannsins eru. Í samtali við fréttastofu fyrr í dag sagði Ásgeir Erlendsson, upplýsingafulltrúi Landhelgisgæslunnar, að áverkar mannsins hafi verið þannig að ekki var talið öruggt að flytja hann landleiðina á sjúkrahús og því hafi hann verið fluttur með þyrlu.

RÚV greinir frá því að um fjörutíu manns sem urðu vitni að slysinu hafi þegið áfallahjálp frá Rauða krossinum eftir slysið.

Í keppninni var keppt í fjallabruni og var keppnin á vegum Hjólreiðafélags Reykjavíkur. Mótshaldarar hafa ekki viljað tjá sig um slysið.

Hjólreiðar Landhelgisgæslan Mosfellsbær

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið