Körfubolti

Fá króatískan ÍR-ing og Búlgara

Sindri Sverrisson skrifar
Igor Maric er farinn úr Breiðholtinu til Keflavíkur.
Igor Maric er farinn úr Breiðholtinu til Keflavíkur. VÍSIR/BÁRA

Körfuknattleiksdeild Keflavíkur tilkynnti í dag um liðsstyrk fyrir bæði karla- og kvennalið félagsins sem leika í Subway-deildunum í vetur.

Karlaliðið hefur fengið til sín Króatann Igor Maric sem á síðustu leiktíð stimplaði sig vel inn í deildina með liði ÍR. Maric skoraði að meðaltali 16 stig, gaf fjórar stoðsendingar og tók sex fráköst í leikjum sínum með ÍR og var með 40% þriggja stiga nýtingu. 

Áður hefur Maric spilað heima í Króatíu sem og í Slóveníu, Slóvakíu og Tékklandi.

Kvennalið Keflavíkur fékk svo lokapúslið í sinn leikmannahóp þegar samið var við Karinu Konstantinova sem er frá Búlgaríu. Karina er 173 sentímetrar á hæð og getur spilað sem leikstjórnandi eða bakvörður en hún hefur meðal annars spilað á Ítalíu og á Spáni.




Fleiri fréttir

Sjá meira


×