Innlent

Rúm­­lega þriðjungur klárar bakkalár­­nám á til­­ætluðum tíma

Bjarki Sigurðsson skrifar
Árið 2014 hófu 2.310 nemendur nám í háskólum á Íslandi.
Árið 2014 hófu 2.310 nemendur nám í háskólum á Íslandi. Vísir/Vilhelm

Af þeim nýnemum sem hófu þriggja ára nám til bakkalárgráðu í háskólum á Íslandi árið 2014 kláruðu rúmlega þriðjungur það á tilætluðum tíma eða 38 prósent. Rúmlega 68,5 prósent nemenda kláruðu námið á sex árum eða skemur.

Þetta kemur fram í nýjum tölum Hagstofu þar sem rýnt var í stöðu þeirra 2.310 nemenda sem hófu háskólanám á Íslandi árið 2014.

Þremur árum eftir upphaf náms voru 38,1 prósent nemenda brautskráðir, 37,5 prósent enn í námi, 24,2 prósent nemenda brottfallnir og 0,2 prósent brautskráðir úr öðru námi, til dæmis tveggja ára diplómanámi.

Hlutfall kvenna sem brautskráðist á tilætluðum tíma er hærra en hjá körlum, 40,4 prósent kvenna brautskráðist á þremur árum en 35,5 prósent karla. Bæði hlutföllin eru hærri en hjá nýnemum haustsins 2011 en tæp 34 prósent þeirra hafði útskrifast þremur árum eftir upphaf náms.

Einn af hverjum fimm nýnemum hætti í námi á fyrsta námsári samkvæmt tölum Hagstofu. 79 prósent héldu áfram í náminu en 0,7 prósent höfðu skipt yfir í annað háskólanám.

Eftir sex ár í námi hafa 68,5 prósent nemenda brautskrást, 21,6 prósent voru brottfallnir, 9,5 prósent enn í námi og 0,4 prósent nemenda hafði brautskrást úr öðru háskólanámi.

Háskólar Skóla - og menntamál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið