Erlent

Kona skotin um borð í spor­vagni í Gauta­borg

Atli Ísleifsson skrifar
Árásin átti sér stað í bæjarhlutanum Majorna í Gautaborg. Myndin er úr safni.
Árásin átti sér stað í bæjarhlutanum Majorna í Gautaborg. Myndin er úr safni. Getty

Kona á fertugsaldri var í morgun skotin í kviðinn um borð í sporvagni í sænsku borginni Gautaborg. Árásin átti sér stað í bæjarhlutanum Majorna.

Peter Adlersson, talsmaður lögreglunnar í Gautaborg, segir í samtali við SVT að árásarmannsins sé enn leitað. Á maðurinn að hafa verið farþegi í sporvagninum, hleypt af skoti og svo flúið af vettvangi.

Adlersson segir að konan hafi verið skotin í kviðinn. Hann segir konuna vera með meðvitund og hafi getað rætt við lögreglu. Sé það mat sjúkraliðs að ástand konunnar sé stöðugt.

Ekki liggur fyrir hvort að fleiri farþegar hafi verið um borð í sporvagninum.

Umfangsmiklar aðgerðir lögreglu standa nú yfir vegna leitarinnar að árásarmanninum og hefur lögregla girt af svæðið í kringum vagninn vegna rannsóknar málsins.

Uppfært 10:45: Lögregla í Gautaborg hefur handtekið mann á sjötugsaldri sem grunaður er um árásina.

Svíþjóð
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið