Albumm

Heimspekilegar pælingar um neyslumenningu

Steinar Fjeldsted skrifar
Ljósmynd: Anna Maggý.
Ljósmynd: Anna Maggý.

Fimmtudaginn 11. ágúst sendir Ásgeir frá sér aðra smáskífuna af væntanlegri plötu Time On My Hands - sem kemur út á vegum útgáfu fyrirtækisins One Little Independent í október.

Lagið sem heitir Limitless og er falleg ballaða er talsvert ólíkt fyrstu smáskífu plötunnar, Snowblind. Í texta lagsins eru heimspekilegar pælingar um neyslumenningu og ys og þys hins daglega lífs og hversu ómerkilegt og smálegt slíkt er í samanburði við fegurð og stærð alheimsins. Á meðan textinn hvetur hlustandann til að sjá hlutina frá öðru sjónarhorni, býður draumkenndur hljóðheimurinn upp á ferðalag út í víðáttur geimsins þar sem okkar jarðvist verður agnarsmá.

Það er mikið um að vera hjá Ásgeiri á þessu ári því ásamt því að gefa út nýja plötu, fagnar hann 10 ára afmæli plötunnar Dýrð í dauðaþögn sem naut mikilla vinsælda um heim allan. Afmælinu verður m.a. fagnað með stórtónleikum í Hörpu þann 27. ágúst. Miðasala á tónleikana fer fram á Tix. Framundan hjá Ásgeiri er jafnframt fjöldinn allur af tónleikum um Evrópu til að kynna nýja plötu.

Hér má sjá Tónleikadagskrá Ásgeirs:

27/08 – Eldborg í Hörpu, Reykjavík

28/09 – Bürgerhaus Stollwerck, Köln, Þýskalandi

29/09 – Freiheitshalle, München, Þýskalandi

01/10 – Markthalle, Hamborg, Þýskalandi

02/10 – Botanique, Brussel, Belgíu

03/10 – Paterskerk, Eindhoven, Hollandi

05/10 – La Cigale, París, Frakklandi

06/10 – Central Station, Darmstadt, Þýskalandi

07/10 – Taubchenthal, Leipzig, Þýskalandi

09/10 – X-Tra, Zurich, Sviss

10/10 – Les Docks, Lausanne, Sviss

12/10 – A38 Ship, Búdapest, Ungverjalandi

13/10 – Arena Club, Vín, Austurríki

14/10 – Locomotive Club, Bologna, Ítalíu

16/10 - La Grand Mix, Tourcoing, Frakklandi

17/10 – Tivoli Vrendenburg - Grote Zaal, Utrecht, Hollandi

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband með því að senda póst á albumm@albumm.is.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.