Palestínumenn leita í rústum hússins sem Ísraelar sprengdu í nótt.Fatima Shbair/AP
Annar leiðtogi íslamistasamtakanna PIJ var drepinn í loftárásum Ísraelsmanna á Gaza í nótt. Liðsmenn PIJ hafa skotið eldflaugum í átt að Jerúsalem í hefndarskyni.
Liðsmenn PIJ hafa tilkynnt að þeir hafi með eldflaugaárásum verið að hefna Khaled Mansour, leiðtoga samtakanna í Suður-Gaza. „Blóð píslarvotta mun ekki fara til spillis,“ segja þeir.
Ísraelar felldu Mansour með eldflaugaárás á fjölbýlishús í flóttamannabúðum í Gaza. Ásamt Mansour drápu Ísraelar fimm almenna borgara og tvo vígamenn PIJ.
Ástandið á Gaza-svæðinu hefur versnað síðustu daga en samtökin Hamas og PIJ, sem eru stærstu herskáu samtökin í Palestínu, hafa kennt Ísraelsmönnum um stöðuna. Ísraelsmenn halda því hins vegar fram að þeir séu einungis að reyna að vernda íbúa sína gegn öfgasamtökum
Ellefu létu lífið er ísraelski herinn skaut eldflaugum á Gaza-svæðið í gær. Herinn segir að skotmark sitt hafi verið íslamskur öfgahópur en einhverjir þeirra sem létu lífið voru óbreyttir borgarar.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
