Innlent

Þyrluflugstjóri kominn aftur til vinnu þótt rannsókn lögreglu standi enn yfir

Magnús Jochum Pálsson skrifar
Þyrluflugstjórinn sem var sendur í leyfi frá vinnu í vor er snúinn aftur vegna manneklu.
Þyrluflugstjórinn sem var sendur í leyfi frá vinnu í vor er snúinn aftur vegna manneklu. Vísir/Vilhelm

Þyrluflugmaður hjá Landhelgisgæslunni sem var sendur í leyfi vegna gruns um kynferðisbrot sneri aftur til starfa í dag þrátt fyrir að málið sé enn til rannsóknar hjá lögreglu. Að sögn Landhelgisgæslunnar er mannekla ástæðan fyrir endurkomu mannsins.

Þetta kemur fram í frétt Rúv um málið.

Þar kemur fram að þyrlustjórinn hafi verið sendur í leyfi um miðjan maí vegna máls sem er til rannsóknar hjá lögreglu. Samkvæmt heimildum Rúv er maðurinn grunaður um kynferðisbrot utan vinnustaðar en rannsókn málsins stendur enn yfir og óvíst er hvenær henni ljúki.

Auðunn Kristinsson, verkefnastjóri hjá Landhelgisgæslunni, staðfesti við Rúv að þyrlustjórinn kæmi aftur til starfa nú um mánaðamótin og sagði að ekki þætti forsvaranlegt að skerða viðbragðsgetu þyrlusveitar á meðan málið væri til rannsóknar.

Þá kemur einnig fram í fréttinni að ákveðið hafi verið að senda flugstjórann í leyfi frá störfum í vor eftir að stjórn Landhelgisgæslunnar barst vitneskja um rannsóknina.

Landhelgisgæslan Lögreglumál

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið