Tónlist

Lag Hin­segin daga lítur dagsins ljós

Viktor Örn Ásgeirsson skrifar
Bjarni Snæbjörnsson og Pétur Karl í stúdíóinu.
Bjarni Snæbjörnsson og Pétur Karl í stúdíóinu. Aðsend

Næs, lag Hinsegin daga 2022 kom út í morgun. Lagið flytur Bjarni Snæbjörnsson en það var upphaflega samið fyrir söngleikinn Góðan daginn, faggi sem sýndur hefur verið í Þjóðleikhúsinu. Daði Freyr úr Gagnamagninu gerði taktinn og Sigga Beinteins og Sigga Eyrún syngja bakraddir. Hinsegin dagar fara fram 2. - 7. ágúst næstkomandi

Öllu var til tjaldað og lagið Næs var sérstaklega endurunnið fyrir Hinsegin daga. Textinn fjallar um baráttu hinsegin fólks frá sjónarhorni söngvarans og um ytri baráttu við samfélagið, innri baráttu hinsegin fólks, drauma og vonir; þá réttmætu kröfu um að hinsegin fólk þurfi ekki afsaka sig fyrir að vera þau sjálf.

Lagið er upphaflega samið af Axeli Inga Árnasyni og er svokölluð endurhljóðblöndun af laginu úr leiksýningunni, sem margoft hefur verið sýnd fyrir fullu húsi í Þjóðleikhúskjallaranum. Axel Ingi fékk Grímutilnefningu fyrir tónlist ársins og Bjarni, söngvari lagsins, fékk sömuleiðis tilnefningu sem söngvari ársins.

Hægt er að hlusta á lagið hér að neðan eða á Spotify.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.