Handbolti

Frábær byrjun hjá U18 á HM í Norður-Makedóníu

Arnar Geir Halldórsson skrifar
Frábærum sigri var vel fagnað.
Frábærum sigri var vel fagnað. Skjáskot/Youtube

Íslenska U18 landsliðið í handbolta fer frábærlega af stað á HM í Norður-Makedóníu en íslensku stelpurnar mættu Svíum í fyrsta leik í dag.

Íslenska liðið mætti vel stemmt til leiks og leiddi með tveimur mörkum í leikhléi, 11-9.

Stelpunum óx ásmegin eftir því sem leið á og unnu að lokum öruggan fimm marka sigur, 22-17. Hreint út sagt frábær byrjun á mótinu en Svartfjallaland og Alsír eru einnig í riðli Íslands.

Elín Klara Þorkelsdóttir og Lilja Ágústsdóttir voru atkvæðamestar í markaskorun Íslands í dag með fimm mörk hvor. Ethel Gyða átti góðan leik í marki Íslands með fjórtán varin skot.

Ísland mætir Svartfjallalandi á morgun en þær unnu stórsigur á Alsír í dag, 38-16.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.