Handbolti

KA-menn semja við tvo uppalda leikmenn

Hjörvar Ólafsson skrifar
Arnór Ísak Haddsson handsalar hér samning sinn. 
Arnór Ísak Haddsson handsalar hér samning sinn.  Mynd/KA

Handboltadeild KA hefur framlengt samninga sína við þá Arnór Ísak Haddsson og Bruno Bernat. Samningarnir við þessa uppöldu KA-menn eru báðir til tveggja ára.

Arnór Ísak og Bernat, sem eru báðir fæddir árið 2002, voru í nokkuð stóru hlutverki hjá KA-liðinu sem komst alla leið í bikarúrslitin á síðustu leiktíð. 

Arnór Ísak, sem spilar sem leikstjórnandi, hefur verið viðloðandi yngri landslið Íslands síðustu ár og Bruno hefur verið einn efnilegasti markmaður landsins. 

„Eitt helsta kennimerki Bruno, fyrir utan frábærar vörslur, eru magnaðar sendingar upp völlinn sem gefa oft góð hraðaupphlaupsmörk.

Arnór spilar sem leikstjórnandi og hefur gríðarlegan kraft og sprengju sem varnarmenn andstæðinganna óttast oft og tíðum," segir í tilkynningu KA-manna um undirritun samninganna. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.