Innlent

Rússar skerða gasútflutninginn á ný

Gunnar Reynir Valþórsson skrifar
Nord stream 1 línunni hefur ítrekað verið lokað frá því stríðið hófst.
Nord stream 1 línunni hefur ítrekað verið lokað frá því stríðið hófst. Getty

Volodómír Zelenskí Úkraínuforseti sakar Rússa um að standa í Gas-stríði við Evrópu og að endurteknar lokanir á Nordstream leiðslunni séu hugsaðar til að hræða Evrópubúa og draga úr andstöðunni við stríðið í Úkraínu.

Rússneski gasrisinn Gazprom hefur tilkynnt um enn eina lokunina á leiðslunni, í þetta skiptið til að gera við túrbínu. Leiðslan hefur verið keyrð á mun minni afköstum en möguleiki er á síðustu mánuði og á dögunum var alfarið skrúfað fyrir hana í tíu daga til að sinna viðhaldi, að sögn Rússa. 

Þýsk stjórnvöld fullyrða að nú sé engin sérstök ástæða til að loka fyrir leiðsluna og að afsökun um bilaða túrbínu haldi ekki vatni. Zelenskí segir ljós að verið sé að gera Evrópubúum erfiðara fyrir að undirbúa sig undir veturinn og að litlar gasbirgðir eigi eftir að bitna illa á fátækustu íbúum álfunnar þegar fer að kólna.

Innrás Rússa í Úkraínu Rússland Þýskaland Orkumál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið