Erlent

Önnur beinagrindin sem finnst í heilu lagi

Óttar Kolbeinsson Proppé skrifar
Það hefur reynst fornleifafræðingum ansi erfitt að finna heillegar beinagrindur eftir orrustuna frægu. Nú hafa þeir þó fundið heila beinagrind af manni og hesti á svæðinu.
Það hefur reynst fornleifafræðingum ansi erfitt að finna heillegar beinagrindur eftir orrustuna frægu. Nú hafa þeir þó fundið heila beinagrind af manni og hesti á svæðinu. CHRIS VAN HOUTS / WATERLOO UNCOVERED

Bein nokkurra hermanna sem féllu í orrustunni við Waterloo árið 1815 hafa nú fundist. Fundurinn er talinn stórmerkilegur enda bardaginn einn sá sögulegasti í Evrópu á síðustu öldum en hann markaði endalok Napóleonsstyrjaldanna.

Þrátt fyrir að um tuttugu þúsund hermenn hafi fallið þar eru fundir sem þessir afar sjaldgæfir. Ekki er vitað nákvæmlega hvers vegna en ein kenningin er sú að líkum hermannanna hafi verið stolið eftir bardagann, unnin og seld sem áburður. Norska ríkisútvarpið greinir frá

Meðal þess sem fornleifafræðingar á svæðinu hafa fundið er heil beinagrind af hermanni. Þetta er aðeins í annað skipti sem heil beinagrind hefur fundist eftir bardagann.

Beinagrind af hesti. Talið er að þúsundir þeirra hafi verið drepnir í orrustunni.CHRIS VAN HOUTS / WATERLOO UNCOVERED

Beinagrindin fannst við svæði þar sem sjúkratjald var staðsett í orrustunni.

„Við vitum ekki hvort hann var drepinn í bardaganum eða hvort þetta hafi verið sjúklingur sem lést í sjúkratjaldinu,“ segir Tony Pollard, prófessor við Háskólann í Glasgow, sem fer fyrir uppgreftinum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×