Tónlist

Þjóðhátíð 2022: Frumsýning á órafmagnaðri útgáfu af Ástin á sér stað

Dóra Júlía Agnarsdóttir skrifar
Klara Elias og Sverrir Bergmann ásamt Halldóri Gunnari.
Klara Elias og Sverrir Bergmann ásamt Halldóri Gunnari. Hafþór Karlsson

Lífið á Vísi kynnir frumsýningu á nýrri útgáfu Þjóðhátíðarlagsins Ástin á sér stað. Klara Elias og Sverrir Bergmann sameinuðu krafta sína á dögunum og senda hér frá sér órafmagnaða útgáfu af þessu lagi.

Hér má sjá myndbandið:

„Ég ólst upp við það að plana allt árið í kringum hinar og þessar söngvakeppnir og ég missti aldrei af Söngkeppni Framhaldsskólanema,“ segir Klara um fyrstu kynni hennar af Sverri.

„Ég man eftir að hafa fengið tárin í augun yfir tveimur sigurvegurum. Annars vegar Guðrúnu Árnýju þegar hún vann og ég tók hana upp á kassettu og hlustaði á það 15 sinnum á dag. Og svo þegar Sverrir vann. 

Það var líka örugglega eftirminnilegasti flutningurinn í sögu þessarar keppni. Það var eitthvað svo tryllt að heyra svona lýtalausan og áreynslulausan flutning.“

Tónlistarmaðurinn Halldór Gunnar er höfundur lagsins ásamt Sverri og spilar á gítar í þessari útgáfu.

„Sverrir er auðvitað bara búinn að vera áreynslulaust að syngja svona fáránlega vel síðan og ég er montin að fá að syngja með honum lagið hans og Halldórs Gunnars. Þeir eru svo flott teymi, vinna svo vel saman og ég dýrka þá fyrir að vera til í að prófa hugmyndirnar mínar og útsetja þetta með mér í nýrri útgáfu,“ segir Klara að lokum.


Tengdar fréttir

Frumsýning á nýrri útgáfu af Lífið er yndislegt

Lífið á Vísi kynnir frumsýningu á glænýrri útgáfu af Lífið er yndislegt þar sem tónlistarfólkið Klara Elias og Hreimur syngja órafmagnaða útgáfu af þessu sögulega Þjóðhátíðarlagi.

Klara Elias frumflutti Þjóðhátíðarlagið 2022

Söngkonan Klara Elias er höfundur og flytjandi Þjóðhátíðarlagsins í ár. Lagið, sem heitir Eyjanótt, kom út fyrr í dag á allar helstu streymisveitur og var frumflutt í Brennslunni á FM957 í morgun.

Klara Elias er höfundur og flytjandi Þjóðhátíðarlagsins í ár

Höfundur og flytjandi Þjóðhátíðarlags Vestmannaeyja 2022 er Klara Elias söngkona og lagahöfundur. Aðeins einu sinni áður hefur hið opinbera þjóðhátíðarlag verið samið og flutt af konu og var það lagið og var það lagið Sjáumst þar eftir Röggu Gísla árið 2017.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.